అవకాశం వచ్చినపుడే వాడుకోవాలి.. చేజారాక చూస్తూ కూర్చుంటే లాభం లేదంటున్నారు బాలీవుడ్ బ్యూటీ త్రిప్తి దిమ్రి. అసలే చాలా కాలం వెయిట్ చేసిన తర్వాత వచ్చిన క్రేజ్ కదా.. అందుకే అస్సలు తగ్గట్లేదు ఈ బ్యూటీ. గ్లామర్ షోలో పిహెచ్‌డీ కాదు.. దాని మమ్మీనే పూర్తి చేసారు త్రిప్తి. తాజాగా ఈ భామ అందానికి సోషల్ మీడియా షేక్ అయిపోతుంది.
ఇండస్ట్రీలో లక్ ఎవరికి ఎప్పుడు ఎలా కలిసొస్తుందో చెప్పలేం..? తాజాగా త్రిప్తి దిమ్రి విషయంలోనూ ఇదే జరుగుతుంది. ఎన్నో ఏళ్లుగా ఇండస్ట్రీలో ఉన్న రాని గుర్తింపు.. ఒక్క సినిమాతో.. అది కూడా కేవలం 30 నిమిషాల నిడివి ఉన్న పాత్రతో వచ్చింది.. దెబ్బకు నేషనల్ క్రష్ అయిపోయారు ఆ భామ. 30 దాటాక వరస ఛాన్సులతో దున్నేస్తున్న ఆ బ్యూటీ త్రిప్తి దిమ్రి.
యానిమల్ తర్వాత త్రిప్తి పేరు దేశమంతా మార్మోగిపోయింది. మరీ ముఖ్యంగా బాబీ 2 అంటూ సోషల్ మీడియా షేక్ అయిపోయింది. యానిమల్‌లో కనిపించింది కాసేపే అయినా.. రష్మిక కంటే ఎక్కువ పాపులర్ అయ్యారు ఈ బ్యూటీ. ఏడేళ్లుగా ఇండస్ట్రీలో ఉన్నా రాని క్రేజ్.. యానిమల్‌తో వచ్చేసింది ఈ బ్యూటీకి. 30 ఏళ్ల వయసులో స్టార్ అయిపోయారు త్రిప్తి.
విక్కీ కౌశల్ హీరోగా కరణ్ జోహార్ నిర్మిస్తున్న బ్యాడ్ న్యూస్‌లో త్రిప్తి హీరోయిన్. అలాగే భూల్ భులయ్యా 3, విక్కీ విద్యా కా వో వాలా వీడియో, ధడక్ 2 లాంటి క్రేజీ సినిమాల్లో హీరోయిన్‌గా నటిస్తున్నారు యానిమల్ బ్యూటీ. తాజాగా ఈ చిత్రం నుంచి ఓ పాటను విడుదల చేసారు మేకర్స్. బాలీవుడ్ మోస్ట్ హాట్ సాంగ్స్‌లో ఇది నిలిచిపోవడం ఖాయంగా కనిపిస్తుంది.
ఈ పాటలో విక్కీ కౌశల్, త్రిప్తి మధ్య ఘాటు రొమాన్స్ సోషల్ మీడియాలో వైరల్ అవుతుంది. దెబ్బకు యూ ట్యూబ్ షేక్ అవుతుంది. సెన్సార్ బోర్డుకు కూడా చిక్కులు తీసుకొచ్చేలా రెచ్చిపోయారు విక్కీ, త్రిప్తి జోడీ. మరి ఈ గ్లామర్ డోస్ త్రిప్తి దిమ్రి కెరీర్‌కు ఎంతవరకు యూజ్ అవుతుందో చూడాలి.