టాలీవుడ్ కి బాహుబలి, ఆర్ఆర్ఆర్, పుష్ప.. చిత్రాలు ఉన్నాయి.. శాండిల్ వుడ్ కు కేజీఎఫ్ ఉంది.. మరి.. కోలీవుడ్ కి అంటే.. ఆ రేంజ్ సక్సెస్ సాధించిన సినిమా ఇంత వరకు లేదు. ఇప్పుడు కంగువ ఆ లోటు తీరుస్తుందని మేకర్స్ గట్టి నమ్మకంతో ఉన్నారు. ఇంకా చెప్పాలంటే.. కంగువ 1000 కోట్లు కాదు.. అంతకు మించి 2000 కోట్లు కలెక్ట్ చేస్తుందని నిర్మాత జ్ఞానవేల్ రాజా చెప్పడం ఆసక్తిగా మారింది. మరి.. కంగువ కోలీవుడ్ కి బాహుబలి కానుందా..?
కోలీవుడ్ స్టార్ సూర్య ఎంతో ప్రతిష్టాత్మకంగా తీసుకుని చేసిన సినిమా కంగువ. ఇంకా చెప్పాలంటే.. సూర్య ప్రాణం పెట్టి ఈ మూవీ చేశారు. శివ ఎంతో ఇష్టంతో ఈ సినిమాని తెరకెక్కించాడు. పీరియాడిక్ యాక్షన్ డ్రామాగా రూపొందిన ఈ సినిమా టీజర్, ట్రైలర్ అండ్ సాంగ్స్ సినిమా పై అంచనాలను మరింతగా పెంచేశాయి. 1000 కోట్ల మార్క్ క్రాస్ చేయాలంటే.. బాలీవుడ్ లో పెద్ద హిట్ అవ్వాలి.. అలాగే తెలుగు రాష్ట్రాల్లో కూడా పెద్ద విజయం సాధించాలి. ఇది తెలుసుకున్న సూర్య.. బాలీవుడ్ లో బాగా ప్రమోట్ చేశాడు.
అలాగే తెలుగు రాష్ట్రాల్లో ప్రీ రిలీజ్ ఈవెంట్స్ ను గ్రాండ్ చేశారు. జనాలకు కంగువ బాగా రీచ్ అయ్యేలా చేశారు. ఈ నెల 14న కంగువ వరల్డ్ వైడ్ గా భారీ స్థాయిలో రిలీజ్ కానుంది. అయితే.. తెలుగు రాష్ట్రాల్లోనే, కేరళ, కర్నాటకలో ఎర్లీ మార్నింగ్ షోస్ వేస్తున్నారు. అడ్వాన్స్ బుకింగ్స్ బాగున్నాయి. ట్రేడ్ పండితులు కంగువ 1000 కోట్లు కలెక్ట్ చేయచ్చు అని అంటున్నారు.
