పాన్ ఇండియా స్టార్ ప్రభాస్ వరుసగా సినిమాలు చేస్తూ ఫుల్ బిజీగా ఉన్నాడు. సంవత్సరానికి రెండు లేదా మూడు సినిమాలు రిలీజ్ చేసేలా ప్లాన్ చేసుకుంటున్నాడు. అయితే.. ఇటీవల ప్రశాంత్ వర్మతో ప్రభాస్ మూవీ ఫిక్స్ అయ్యిందని.. ఈ మూవీ టైటిల్ బ్రహ్మ రాక్షస అని టాక్ బలంగా వినిపిస్తోంది. ఇంతకీ.. ఇది నిజమేనా..?
హనుమాన్ సినిమాతో సంచలనం సృష్టించిన ప్రశాంత్ వర్మతో సినిమాలు చేయడానికి టాలీవుడ్ స్టార్స్ మాత్రమే కాదు.. బాలీవుడ్ స్టార్స్ కూడా ఇంట్రెస్ట్ చూపిస్తున్నారు. ఆమధ్య రణవీర్ సింగ్ తో ప్రశాంత్ వర్మ సినిమా చేయనున్నట్టు అంటూ ప్రచారం జరిగింది. బ్రహ్మ రాక్షస అనే కథ చెప్పినట్టుగా వార్తలు వచ్చాయి. అయితే.. ఏమైందో ఏమో కానీ.. ఆ ప్రాజెక్ట్ క్యాన్సిల్ అయ్యింది. ఆతర్వాత ప్రశాంత్ వర్మ మోక్షజ్ఞతో చేసే సినిమా వర్క్ లో బిజీ అయ్యారు. మరో వైపు జై హనుమాన్ వర్క్ కూడా స్టార్ట్ చేశాడు. రణవీర్ సింగ్ కు చెప్పిన బ్రహ్మ రాక్షస కథనే ప్రబాస్ కు చెప్పాడట. బ్రహ్మ రాక్షస అనేది మైథలాజికల్ టచ్ ఉన్న పీరియాడికల్ ఫిల్మ్ అని టాక్ ఉంది.
ప్రశాంత్ వర్మ సినిమాటిక్ యూనివర్స్ లో భాగంగానే ఈ మూవీ ఉంటుందట. అంతే కాదు ఇందులో హీరో పాత్ర కాస్త గ్రే షేడ్స్‌తో ఉంటుందని అప్పట్లో అనుకున్నారు. ఎన్నాళ్ళ నుంచో నెగిటివ్ షేడ్స్ ఉండే క్యారక్టర్ ప్లే చెయ్యాలని చూస్తున్న ప్రభాస్.. ఇప్పుడు ప్రశాంత్ వర్మ చెప్పిన స్టోరీకి ఓకే చెప్పినట్లుగా టాక్ వినిపిస్తోంది. ప్రచారంలో ఉన్న ఈ వార్త నిజమే అని సమాచారం. అయితే.. ఓ వైపు ప్రభాస్, మరో వైపు ప్రశాంత్ వర్మ బిజీగా ఉన్నారు. అందుచేత ఈ ప్రాజెక్ట్ సెట్స్ పైకి రావాలంటే దాదాపు మూడేళ్లు పట్టచ్చు అని సమాచారం.
