ఈ నెల 29న నాగార్జున తన పుట్టినరోజు సందర్భంగా కొత్త సినిమాను ప్రకటించబోతున్నారు. ఈ సినిమా అనౌన్స్ మెంట్ సందర్భంగా మూవీ టైటిల్, గ్లింప్స్ రిలీజ్ చేసేందుకు రెడీ అవుతున్నారు. ఈ సినిమాకు నా సామి రంగ అనే టైటిల్ ను ఖరారు చేసినట్లు తెలుస్తోంది. కొరియోగ్రాఫర్ విజయ్ బిన్ని ఈ చిత్రంతో దర్శకుడిగా అరంగేట్రం చేస్తున్నారు. నాగార్జున నటిస్తున్న 99వ చిత్రమిది. ఈ సినిమా గురించి ఒక అప్ డేట్ సోషల్ మీడియాలో రన్ అవుతోంది.
ఈ నెలాఖరుకు ప్రారంభం కానున్న నాగార్జున 99వ సినిమా సంక్రాంతికి రిలీజ్ కాబోతోందనే వార్తలు చక్కర్లు కొడుతున్నాయి. అయితే నాగార్జున లాంటి స్టార్ హీరో సినిమాను కేవలం నాలుగు నెలల్లో పూర్తి చేసి రిలీజ్ చేయడం అనే విషయం అసాధ్యంగా కనిపిస్తోంది. షూటింగ్ టైమ్ లో నాగార్జునకు కొన్ని రెస్ట్రిక్షన్స్ ఉంటాయి. రాత్రి షూటింగ్స్ ఆయన చేయరు. వార్ మోడ్ లో షూట్ చేసి సినిమాను కంప్లీట్ చేయాలంటే ఇలాంటివి పెట్టుకోకూడదు. నాగార్జున ఇలా టార్గెట్ పెట్టుకుని హడావుడిగా సినిమాలు చేసింది కూడా లేదు.
పైగా వచ్చే సంక్రాంతి స్లాట్ పూర్తిగా ఫిల్ అయి ఉంది. మహేశ్ గుంటూరు కారం, రవితేజ ఈగిల్, పవన్ కల్యాణ్ ఉస్తాద్ భగత్ సింగ్…చాలా సినిమాలున్నాయి. ఇందులో నాగార్జున పోటీకి దిగడం సరైన నిర్ణయం కాదు. నా సామి రంగ పేరుతో ఈ చిత్రాన్ని శ్రీనివాసా సిల్వర్ స్క్రీన్స్ సంస్థ నిర్మిస్తోంది. ఈ చిత్రంలో కాజల్ అగర్వాల్ హీరోయిన్ నటిస్తున్నట్లు సమాచారం. ఈ సంస్థ గతంలో నాగ చైతన్యతో కస్టడీ మూవీ నిర్మించింది.
