కొత్త బంగారు లోకం, ముకుంద, సీతమ్మ వాకిట్లో సిరిమల్లె చెట్టు, బ్రహ్మోత్సవం, నారప్ప.. ఇలా సెన్సిబుల్ చిత్రాలు తెరకెక్కించిన దర్శకుడు శ్రీకాంత్ అడ్డాల. నారప్ప సినిమా నుంచి రూటు మార్చి యాక్షన్ మూవీస్ చేస్తున్నాడు. తాజాగా పెదకాపు అంటూ మాస్ మూవీ చేస్తున్నాడు. అంతే కాకుండా.. ఈ చిత్రాన్ని రెండు పార్టులుగా తెరకెక్కిస్తుండడం విశేషం. ఈ మూవీ నుండి ఇటీవల రిలీజ్ అయిన పోస్టర్స్, టీజర్, సాంగ్స్ అందరినీ ఆకట్టుకుని మూవీ పై మంచి అంచనాలు ఏర్పరిచాయి. ఇంకా చెప్పాలంటే.. శ్రీకాంత్ అడ్డాల క్లాస్ మూవీస్ మాత్రమే కాదు.. మాస్ మూవీస్ కూడా బాగానే తెరకెక్కించగలడు అనే నమ్మకాన్ని అందరిలో కలిగించింది.
ఈ సినిమాలో విరాట్ కర్ణ, ప్రగతి శ్రీవాస్తవ ప్రధాన పాత్రలు పోషిస్తున్నారు. ద్వారకా క్రియేషన్స్ బ్యానర్ పై మిర్యాల రవీందర్ రెడ్డి ఈ చిత్రాన్ని నిర్మిస్తున్నారు. ఈ సినిమా లేటెస్ట్ అప్ డేట్ ఏంటంటే.. ఈ మూవీ షూటింగ్ చివరి దశకు చేరుకుంది. ఈ షెడ్యూల్ లో ప్రధాన తారాగణం పై కీలక సన్నివేశాలను చిత్రీకరిస్తున్నారు. అయితే.. ఈ చిత్రాన్ని ఆగష్టు 18న విడుదల చేయనున్నట్టుగా గతంలో ప్రకటించారు. ఇప్పుడు ఇంకా షూటింగ్ చేయాల్సింది ఉండడంతో విడుదల వాయిదా పడింది. కొత్త రిలీజ్ డేట్ త్వరలో ప్రకటించనున్నారు. మరి.. శ్రీకాంత్ అడ్డాల ఈ మాస్ మూవీతో కూడా మెప్పిస్తాడేమో చూడాలి.
