గ్లోబల్ స్టార్ రామ్ చరణ్ నటిస్తోన్న మూవీ గేమ్ ఛేంజర్. సెన్సేషనల్ డైరెక్టర్ శంకర్ తెరకెక్కిస్తోన్న గేమ్ ఛేంజర్ అప్ డేట్స్ విషయంలో మెగా ఫ్యాన్స్ చాలా అసంతృప్తితో ఉన్నారు. సంక్రాంతికి గేమ్ ఛేంజర్ వస్తున్నట్టుగా ప్రకటించారు. ఆతర్వాత అయినా ప్రమోషన్స్ లో స్పీడు పెంచుతారు అనుకుంటే.. పెంచలేదు. అసలు గేమ్ ఛేంజర్ టీజర్ వెనుక ఏం జరుగుతోంది..?
గేమ్ ఛేంజర్ టీజర్ ను దీపావళికి రిలీజ్ చేస్తారనుకున్నారు కానీ.. రిలీజ్ చేయలేదు. ఈ మూవీ నుంచి రెండు పాటలు మాత్రమే రిలీజ్ చేశారు. ఇంకా ఈ మూవీ నుంచి 4 పాటలు, ట్రైలర్ రిలీజ్ చేయాలి. పదిహేను రోజులకు ఓ అప్ డేట్ ఇచ్చుకుంటూ వెళ్లినా రిలీజ్ టైమ్ కి పని పూర్తవుతుంది. అయితే.. ఎందుకు ఇంత ఆలస్యం అవుతుంది అంటే.. శంకర్ కు చూపించి ఆయన ఓకే అంటేనే రిలీజ్ చేయాలి. ఆయనకేమో ఏదీ ఓ పట్టాన నచ్చదు. టీజర్ ను ఇప్పటి వరకు నాలుగు వెర్షెన్స్ రెడీ చేశారట. నాలుగో వెర్షెన్ టీజర్ నచ్చడంతో ఓకే చెప్పారట.
గేమ్ ఛేంజర్ టీజర్ ను ఈ నెల 9న రిలీజ్ చేయనున్నట్టుగా ప్రకటించారు. అనౌన్స్ మెంట్ తో పాటు ఓ పోస్టర్ రిలీజ్ చేశారు. ఈ పోస్టర్‌లో రామ్ చరణ్ రైల్వే ట్రాక్‌ పై కూర్చున్న పోజ్ ప్రేక్షకులను ఆకట్టుకుంటోంది. ఈ మూవీలో రామ్ చరణ్ రెండు వైవిధ్యమైన పాత్రల్లో నటిస్తున్నారు. ఈ సినిమాకు థమన్ సంగీతం అందిస్తుండగా, కియారా అద్వానీ, అంజలి, శ్రీకాంత్, సునీల్ తదితరులు ఈ సినిమాలో ఇతర ముఖ్య పాత్రల్లో నటిస్తున్నారు. ఈ చిత్రాన్ని స్టార్ ప్రొడ్యూసర్ దిల్ రాజు అత్యంత భారీ బడ్జెట్‌తో ప్రొడ్యూస్ చేస్తున్నారు. టీజర్ తర్వాత నుంచి ప్రమోషన్స్ లో మరింతగా స్పీడు పెంచనున్నారు. జనవరి 10న గేమ్ ఛేంజర్ భారీ స్థాయిలో రిలీజ్ కానుంది. మరి.. గేమ్ ఛేంజర్ తో ఏ రేంజ్ లో సక్సెస్ సాధిస్తాడో చూడాలి.
