హీరో కిరణ్ అబ్బవరంతో ట్రెండ్ సెట్టింగ్ థ్రిల్లర్ సినిమా “క” రూపొందించి ఘన విజయాన్ని అందుకున్నారు దర్శకులు సుజీత్, సందీప్. “క” విజయం మాటల్లో చెప్పలేనంత సంతోషాన్నిస్తోందని ఈ సోదరులు అంటున్నారు. త్వరలోనే ఈ సినిమా ప్రీక్వెల్ చేస్తామని వారు లేటెస్ట్ ఇంటర్వ్యూలో తెలిపారు.
దీపావళి విన్నర్ గా నిలిచిన “క” సక్సెస్ గురించి సుజీత్, సందీప్ మాట్లాడుతూ – “క” సినిమాకు వస్తున్న రెస్పాన్స్ చూస్తుంటే చాలా సంతోషంగా ఉంది. ఈ ఫీలింగ్ ను మాటల్లో చెప్పలేకపోతున్నాం. థియేటర్స్ లో ప్రేక్షకులు సినిమా చూస్తూ చివరలో స్టాండింగ్ ఓవేషన్ ఇస్తున్నారు. మేము “క” కథ అనుకున్నప్పుడు ఇది ప్రేక్షకులు ఎలా రిసీవ్ చేసుకుంటారో అని భయపడ్డాం. కానీ ఈరోజు ప్రేక్షకులు కథకు చాలా కనెక్ట్ అవుతున్నారు. కిరణ్ గారు మమ్మల్ని బ్రదర్స్ లా చూసుకుని సపోర్ట్ చేశారు. ఆయన వల్లే ఇంత ఘన విజయం మాకు సాధ్యమైంది. డిస్ట్రిబ్యూటర్ వంశీ నందిపాటి గారు మా ప్రాజెక్ట్ లోకి వచ్చినప్పుడే మాకు ఎంతో నమ్మకం కలిగింది. ఇకపై మేము చేసే సినిమాలు కూడా స్ట్రాంగ్ కంటెంట్ తోనే యూనిక్ స్టోరీస్ తో ఇంటర్నేషనల్ రేంజ్ ఐడియాస్ ఉన్న సినిమాలు చేస్తాం. క సినిమాకు ప్రీక్వెల్ చేసే ఆలోచన ఉంది. కృష్ణగిరి ఊరు నేపథ్యం ఏంటి ఆ ఊరిలోని ప్రత్యేకతలకు కారణాలు ఏంటి అనే అంశాలు క ప్రీక్వెల్ లో చూస్తారు. అన్నారు.
