యంగ్ హీరో విశ్వక్ సేన్ వైవాహిక జీవితంలోకి అడుగుపెడుతున్నారు. తాను త్వరలో పెళ్లి చేసుకోబోతున్నట్లు ఇన్ స్టా ద్వారా ఆయన ఆదివారం తెలిపారు. మంచి సంబంధం కుదిరిందని, ఆ వివరాలు చెబుతానంటూ ఆ పోస్ట్ లో వెల్లడించారు విశ్వక్ సేన్.
విశ్వక్ సేన్ పోస్ట్ చూస్తే – అభిమానులు, నా మంచి కోరే వారి ప్రేమతో ఇన్నేళ్లుగా ఇండస్ట్రీలో కొనసాగుతున్నాను. మీరు ఇస్తున్న సపోర్ట్ కు కృతజ్ఞతలు చెబుతున్నా. నా లైఫ్ లో కొత్త ఫేజ్ లోకి అడుగుపెట్టబోతున్నా. త్వరలో దాంపత్య జీవితాన్ని ప్రారంభిస్తున్నా. ఆ వివరాలు రాబోయో రోజుల్లో వెల్లడిస్తా అని పేర్కొన్నారు.
ప్రస్తుతం విశ్వక్ సేన్ సితార ఎంటర్ టైన్ మెంట్స్ సంస్థలో గ్యాంగ్స్ ఆఫ్ గోదావరి, ఎస్ఆర్టీ ఎంటర్ టైన్ మెంట్స్ సంస్థలో ఓ సినిమాలో నటిస్తున్నారు. ఆయన ఖాతాలో మరికొన్ని ప్రాజెక్ట్స్ ఉన్నాయి.
