ఈ ఏడాది సూపర్ హిట్ అందుకున్న సినిమా విరూపాక్ష. ఈ చిత్రంతో దర్శకుడిగా పరిచయమైన కార్తీక్ దండు తొలి చిత్రంతోనే ఘన విజయాన్ని అందుకున్నారు. సుకుమార్ రైటింగ్స్, ఎస్వీసీసీ బ్యానర్స్ నిర్మించిన ఈ సినిమాకు సుకుమార్ స్క్రీన్ ప్లే అందించారు. ఈ సినిమా సాయిధరమ్ తేజ్ కెరీర్ ను నిలబెట్టే సక్సెస్ ఇచ్చింది. హీరోయిన్ గా సంయుక్త మీనన్ కు పేరు తీసుకొచ్చింది.
విరూపాక్ష సినిమా సక్సెస్ తో మిస్టిక్ థ్రిల్లర్ జానర్ సినిమాలకు మంచి డిమాండ్ ఏర్పడింది. ఇక ఈ క్రేజ్ తో మరో మూవీని అనౌన్స్ చేశారీ టీమ్. దర్శకుడు కార్తీక్ దండు, నిర్మాతలు సుకుమార్, ఎస్వీసీసీ ఈ కొత్త చిత్రంలో పార్ట్ కాబోతున్నారు. మైథలాజికల్ థ్రిల్లర్ కథతో ఈ సినిమా ఉంటుందని వారు ప్రకటించారు.
ఈ మూవీ అనౌన్స్ మెంట్ సందర్భంగా విడుదల చేసిన పోస్టర్ ఆకట్టుకుంటోంది. ఈ సినిమాలో ఏ హీరో నటిస్తాడనేది ఈ టీమ్ ప్రకటించలేదు. విరూపాక్ష సక్సెస్ అయినందున ఓ స్టార్ తోనే ఈ సినిమా చేసే అవకాాశాలున్నాయి.
