హీరోయిన్ వేదిక లీడ్ రోల్ లో నటించిన “ఫియర్” సినిమా ఓటీటీలోకి వచ్చేసింది. ఈ రోజు నుంచి అమోజాన్ ప్రైమ్ వీడియోలో స్ట్రీమింగ్ అవుతోంది. “ఫియర్” స్ట్రీమింగ్ న్యూస్ సోషల్ మీడియాలో చక్కర్లు కొడుతోంది. గత డిసెంబర్ 14న ఈ సినిమా థియేటర్స్ లోకి వచ్చింది. సస్పెన్స్ థ్రిల్లర్ మూవీస్ ఇష్టపడే ఆడియెన్స్ ను బాగా ఆకట్టుకుంది. ఇప్పుడు ప్రైమ్ వీడియోలోనూ “ఫియర్”కు మంచి క్రేజ్ ఏర్పడింది.
“ఫియర్” సినిమాను దత్తాత్రేయ మీడియా బ్యానర్ పై ప్రొడ్యూసర్స్ డా. వంకి పెంచలయ్య, ఏఆర్ అభి నిర్మించారు. సుజాత రెడ్డి కో ప్రొడ్యూసర్ గా వ్యవహరించారు. సస్పెన్స్ థ్రిల్లర్ కథతో దర్శకురాలు డా. హరిత గోగినేని ఫియర్ మూవీని రూపొందించారు. అరవింద్ కృష్ణ ఓ స్పెషల్ రోల్ లో కనిపించారు. “ఫియర్” సినిమా విడుదలకు ముందే వివిధ అంతర్జాతీయ ప్రతిష్టాత్మక ఫిలిం ఫెస్టివల్స్ లో 70 కి పైగా అవార్డ్స్ లను గెల్చుకుని కొత్త రికార్డ్ క్రియేట్ చేసింది.
