రవితేజ హీరోగా నటిస్తున్న కొత్త సినిమా టైగర్ నాగేశ్వరరావు టీజర్ కు డేట్ ఫిక్స్ చేశారు మేకర్స్. ఈ సినిమా టీజర్ ను ఆగస్టు 17న రిలీజ్ చేస్తున్నట్లు ఇవాళ ప్రకటించారు. ఈ అనౌన్స్ మెంట్ తో పాటు ఓ కొత్త పోస్టర్ ను రిలీజ్ చేశారు. టైగర్ ఆక్రమణ మొదలు అంటూ క్యాప్షన్ రాశారు.
70,80 దశకాల్లో సౌత్ స్టేట్స్ ను గడగడలాడించిన స్టువర్ట్ పురం గజదొంగ టైగర్ నాగేశ్వరరావు బయోపిక్ గా ఈ సినిమాను తెరకెక్కిస్తున్నారు నూతన దర్శకుడు వంశీ. ఈ చిత్రాన్ని అభిషేక్ అగర్వాల్ నిర్మిస్తున్నారు. గాయత్రీ భరద్వాజ్, నుపూర్ సనన్ హీరోయిన్స్ గా నటిస్తున్నారు. రేణు దేశాయ్ మరో కీలక పాత్ర పోషిస్తోంది. టైగర్ నాగేశ్వరరావు సినిమాను అక్టోబర్ 20న దసరా సందర్భంగా విడుదల చేసేందుకు దర్శక నిర్మాతలు సన్నాహాలు చేస్తున్నారు.
