తన కొత్త సినిమా “క” పై చాలా హోప్స్ పెట్టుకున్నారు యంగ్ టాలెంటెడ్ హీరో కిరణ్ అబ్బవరం. ఈ సినిమాకు వస్తున్న పాజిటివ్ రెస్పాన్స్ థియేటర్ లోనూ రిపీట్ అవుతుందనే హోప్ పెట్టుకున్నారు. ఆడియెన్స్ లోనూ ఇదొక డిఫరెంట్ మూవీగా ఉంటుందనే ఎక్స్ పెక్టేషన్స్ ఏర్పడ్డాయి. ఈ నెల 31న గ్రాండ్ గా థియేటర్స్ లోకి వస్తోంది “క”. ఈ సందర్భంగా క సినిమా హైలైట్స్ తెలిపారు హీరో కిరణ్ అబ్బవరం.
హీరో కిరణ్ అబ్బవరం మాట్లాడుతూ – క మూవీ క్లైమాక్స్ ను కొత్తగా చెప్పడానికి ప్రయత్నించాం. ఇలాంటి క్లైమాక్స్ తో ఇంతవరకు మూవీ రాలేదు. ఎవరు ఏంటి ఎక్కడ అనే సస్పెన్స్ తో మూవీ సాగుతుంది. ప్రతిసారీ ఎవరు ఏంటి ఎక్కడ అనే మూడు పాయింట్స్ ప్రేక్షకుల్ని ట్రిగ్గర్ చేస్తుంటాయి. 1977లో కృష్ణగిరి అనే ఊరిలో ఉండే అభినయ వాసుదేవ్ అనే పోస్ట్ మ్యాన్ క్యారెక్టర్ లో నేను నటించాను. ఈ సినిమా క్లైమాక్స్ లో యాక్షన్ సీక్వెన్సులు ఉంటాయి. ఎద్దుల బండి మీద చేసే ఫైట్స్, అలాగే ఇంటి పై కప్పుల మీద పరుగులు పెట్టేవి….ఈ యాక్షన్స్ సీన్స్ రియలెస్టిక్ గా వచ్చేందుకు చాలా కష్టపడ్డాం. ఫిజికల్ గా స్ట్రెయిన్ అయ్యాం. క సినిమా కంటెంట్ ట్రీట్ మెంట్ కొత్తగా ఉంటుంది. స్క్రీన్ మీద సినిమా చూస్తున్న ప్రేక్షకుడు వీళ్లు కొత్తగా ప్రయత్నించారు అనే ఫీల్ అవుతారు. అన్నారు.
