అక్కినేని నాగచైతన్య నటిస్తోన్న మూవీ తండేల్. ఈ మూవీకి చందూ మొండేటి డైరెక్టర్. గీతా ఆర్ట్స్ బ్యానర్ పై అత్యంత ప్రతిష్టాత్మకంగా ఈ సినిమాను నిర్మిస్తున్నారు. గత కొన్ని రోజులుగా తండేల్ రిలీజ్ ఎప్పుడు అనేది సస్సెన్స్ గా ఉండేది. ఇప్పుడు రిలీజ్ డేట్ ను అఫిషియల్ గా అనౌన్స్ చేశారు. ఫిబ్రవరి 7న ఈ క్రేజీ పాన్ ఇండియా మూవీని భారీ స్థాయిలో రిలీజ్ చేయనున్నారు. సంక్రాంతికి రిలీజ్ చేస్తే బాగుంటుందని.. సంక్రాంతికి రిలీజ్ చేయాలని అక్కినేని అభిమానులు డిమాండ్ చేశారు అయితే.. సంక్రాంతికి తక్కువ స్క్రీన్స్ లో రిలీజ్ చేయడం కంటే.. భారీగా రిలీజ్ చేయాలనే ఉద్దేశ్యంతో ఫిబ్రవరి 7న రిలీజ్ చేస్తున్నట్టుగా మేకర్స్ క్లారిటీ ఇచ్చారు.
ఇక ఈ మూవీ రిలీజ్ డేట్ అనౌన్స్ మెంట్ ప్రెస్ మీట్ తో ప్రమోషన్స్ స్టార్ట్ చేసిన మేకర్స్ ఆతర్వాత అప్ డేట్ ఏంటి అనేది ఆసక్తిగా మారింది. తాజా సమాచారం ప్రకారం.. ఈ మూవీ నుంచి ఫస్ట్ సింగిల్ రిలీజ్ చేయాలి అనుకుంటున్నారట. రాక్ స్టార్ దేవిశ్రీప్రసాద్ ఈ మూవీకి సంగీతం అందిస్తున్నారు. త్వరలో ఈ మూవీ నుంచి మాంచి లవ్ సాంగ్ రిలీజ్ చేయనున్నారని తెలిసింది. ప్రేమకథా చిత్రాలకు మ్యూజిక్ అనేది చాలా ఇంపార్టెంట్. ఈ మూవీకి దేవిశ్రీ అదిరిపోయే మ్యూజిక్ అందించారని టాక్ వినిపిస్తోంది. ఈ నెల 23న చైతన్య పుట్టినరోజు. ఆ రోజున ఫస్ట్ సింగిల్ రిలీజ్ చేస్తారు అనేద ఇండస్ట్రీ ఇన్ సైడ్ న్యూస్.
