పవర్ స్టార్ పవన్ కళ్యాణ్, సుప్రీం హీరో సాయి ధరమ్ తేజ్ కలిసి నటించిన చిత్రం బ్రో. ఈ చిత్రానికి సముద్రఖని డైరెక్టర్. మాటల మాంత్రికుడు త్రివిక్రమ్ శ్రీనివాస్ స్ర్కీన్ ప్లే – డైలాగ్స్ అందించారు. భారీ అంచనాలతో బ్రో థియేటర్లోకి వచ్చింది. ఓపెనింగ్స్ బాగానే వచ్చినప్పటికీ.. ఆతర్వాత మాత్రం కలెక్షన్స్ బాగా తగ్గాయి. అందుకనే విజయయాత్ర అంటూ బ్రో మేకర్స్ ప్రమోషన్స్ స్టార్ట్ చేశారు. గుంటూరు, తెనాలి, విజయవాడ ప్రాంతాల్లో బ్రో చిత్రాన్ని ప్రదర్శిస్తున్న థియేటర్స్ లోకి వెళ్లి ప్రేక్షకాభిమానులకు సాయిధరమ్ తేజ్ కృతజ్ఞతలు తెలియచేశారు.
ఈ సందర్భంగా సాయిధరమ్ తేజ్ మాట్లాడుతూ.. పవన్ కళ్యాణ్ మావయ్య గురువు లాంటి వారు. బ్రో సినిమాలో ఆయనతో వర్క్ చేసిన ఎక్స్ పీరియన్స్ ని ఎప్పటికీ మరచిపోలేను. బ్రో సినిమా నా కెరీర్ లో స్పెషల్ మూవీ. ఎన్ని సినిమాలు చేసినా ఈ చిత్రం ఎప్పటికీ స్పెషలే. భారీ వర్షాలు ఉన్నప్పటికీ ఈ చిత్రం పై ప్రేక్షకులు, అభిమానులు ఆదరణ చూపించి విజయాన్ని అందించారు. ఈ విజయం నాలో చాలా సంతోషాన్ని కలిగించింది. ఇక పెద్ద మావయ్య మెగాస్టార్ చిరంజీవి గారితో కలిసి నటించాలి అనేది నా కల. అది కూడా త్వరలోనే నెరవేరుతుందని ఆశిస్తున్నాను అన్నారు.
