కిరణ్ అబ్బవరం హీరోగా నటించిన క సినిమా టీమ్ బ్లాక్ బస్టర్ సెలబ్రేషన్స్ జరుపుకుంది. ఈ రోజు రిలీజైన ఈ సినిమా అన్ని సెంటర్స్ నుంచి సూపర్ హిట్ టాక్ తెచ్చుకుంది. ప్రతి చోటా థియేటర్స్ హౌస్ ఫుల్స్ అవుతున్నాయి. మీడియా నుంచి పాజిటివ్ రివ్యూస్ వచ్చాయి. ప్రేక్షకుల ప్రశంసలతో పాటు క్రిటిక్స్ నుంచి అప్లాజ్ రావడం క సినిమా టీమ్ ను సంతోషపడేలా చేస్తోంది.
క సినిమా బ్లాక్ బస్టర్ సెలబ్రేషన్స్ లో హీరో కిరణ్ అబ్బవరం, హీరోయిన్స్ తన్వీ రామ్, నయన్ సారిక, డైరెక్టర్స్ సుజీత్, సందీప్, నిర్మాత చింతా గోపాలకృష్ణ రెడ్డి, డిస్ట్రిబ్యూటర్ వంశీ నందిపాటి, సినిమాటోగ్రాఫర్ సతీష్ రెడ్డి మాసం తదితరులు పాల్గొన్నారు. తమ సినిమాకు వస్తున్న రెస్పాన్స్ పట్ల మూవీ టీమ్ సంతోషాన్ని వ్యక్తం చేశారు. తనకు మర్చిపోలేని దీపావళి విజయాన్ని క సినిమా ఇచ్చిందని హీరో కిిరణ్ అబ్బవరం చెప్పారు. పెద్ద సినిమాల మధ్య రిలీజైన తమ చిత్రం పోటీని తట్టుకుని అద్భుత విజయాన్ని అందుకుందని ఆయన ఆనందం వ్యక్తం చేశారు.
