నాగ చైతన్య హీరోగా నటిస్తున్న భారీ పాన్ ఇండియా మూవీ తండేల్ రిలీజ్ డేట్ వచ్చేసింది. ఈ రోజు మేకర్స్ అఫీషియల్ గా తండేల్ రిలీజ్ డేట్ అనౌన్స్ చేశారు. ఫిబ్రవరి 7న ఈ చిత్రాన్ని రిలీజ్ చేస్తున్న ప్రకటించారు. తండేల్ చిత్రాన్ని జీఏ2 బ్యానర్ పై బన్నీ వాస్ నిర్మిస్తున్నారు. చందూ మొండేటి దర్శకత్వం వహిస్తున్నారు. సాయి పల్లవి నాయికగా నటిస్తోంది.
దసరా బరిలో నిలవాల్సిన ఈ సినిమా అక్కడి నుంచి డిసెంబర్ కు వెళ్లింది. ఒక దశలో సంక్రాంతి రిలీజ్ అని కూడా ప్లాన్ చేశారు. సంక్రాంతి సీజన్ అప్పటికే ప్యాక్డ్ గా ఉండటంతో ఫిబ్రవరికి రిలీజ్ పెట్టుకున్నారు. వాస్తవ ఘటనల ఆధారంగా తండేల్ సినిమా రూపొందుతోంది. ప్రమాదవశాత్తూ పాకిస్థాన్ జలాల్లోకి వెళ్లిన తెలుగు జాలర్ల కథతో తండేల్ తెరకెక్కిస్తున్నారు చందూ మొండేటి. నాగ చైతన్య కెరీర్ లో అత్యధిక బడ్జెట్ తో తెరకెక్కుతున్న చిత్రమిది కావడం విశేషం.
