కోలీవుడ్ స్టార్ హీరో సూర్య తన కొత్త సినిమాలతో క్రేజీ లైనప్ చేసుకుంటున్నాడు. ఇందులో సుధా కొంగర దర్శకత్వంలో నటిస్తున్న సినిమా ఇంట్రెస్ట్ క్రియేట్ చేస్తోంది. సుధా కొంగర దర్శకత్వంలో సూర్య నటించిన సురారై పోట్రు సినిమా ఓటీటీలో సెన్సేషన్ క్రియేట్ చేసింది. సూర్యకు నేషనల్ అవార్డ్ తెచ్చిపెట్టింది. ఈ కాంబోలో మూవీ అంటే క్రేజ్ నెలకొనడం సహజమే.
సూర్య నటిస్తున్న 43వ చిత్రమిది. ఇందులో విలన్ గా బాలీవుడ్ నటుడు విజయ్ వర్మను ఎంపిక చేసినట్లు సమాచారం. తమన్నా బాయ్ ఫ్రెండ్ గా ఇటీవల వార్తల్లో నిలిచాడు విజయ్ వర్మ. తెలుగులో నాని ఎంసీఎ సినిమాలో విలన్ గా కనిపించాడు. సూర్య సినిమా నుంచి తెలుస్తున్న మరో న్యూస్ ..ఈ సినిమాలో హీరోయిన్ గా నజ్రియాను ఎంపికచేశారట. ఇది నిజమైతే ఆమె సుదీర్ఘ విరామం తర్వాత కోలీవుడ్ లో నటించే సినిమా కానుంది.
నానితో గతేడాది అంటే సుందరానికీ సినిమాలో నటించింది నజ్రియా. ఈ ఏడాదిలోనే సెట్స్ మీదకు వెళ్లనుంది సూర్య 43వ మూవీ. ప్రస్తుతం ఆయన కంగువ సినిమాలో నటిస్తున్నారు.
