ఇటీవల బాలీవుడ్ లో హాట్ టాపిక్ గా మారిన సినిమా తాళి. ట్రాన్స్ జెండర్ హక్కుల కోసం పోరాడిన శ్రీగౌరి సావంత్ జీవిత కథతో దర్శకుడు రవి జాదవ్ ఈ సినిమాను రూపొందించారు. సుస్మిత సేన్ శ్రీగౌరి పాత్రలో నటించింది. తాళి సినిమా ట్రైలర్ ఇవాళ రిలీజ్ అయ్యింది. జియో సినిమా ఓటీటీలో ఈ సినిమా ఈ నెల 15న రిలీజ్ కాబోతోంది.
తాళి ట్రైలర్ చూస్తే…తను పెరిగి పెద్దయ్యాక అమ్మ అవ్వాలనుకుంటాడో బాలుడు. ఈ మాట చెప్తే స్కూల్ లో పనిష్ మెంట్ ఇస్తారు. పెరిగి పెద్దయ్యేసరికి ఈ అబ్బాయికి క్రమంగా అమ్మాయి వేషధారణ, అలవాట్ల వచ్చేస్తాయి. టీనేజ్ లోకి వచ్చాక ట్రాన్స్ జెండర్ శ్రీగౌరి సావంత్ గా మారిపోతాడు. అక్కడి నుంచి డ్రాన్స్ జెండర్స్ హక్కుల కోసం పోరాటం సాగిస్తుంది శ్రీగౌరి. తన దృక్పథంలో, ధోరణిలో, ఆలోచించే కోణంలో నిజాయితీ ఉందనిపిస్తుంది. సుప్రీం కోర్టు కేసులో గెలిచి ఆమె చివరకు అనుకున్నది సాధించిందా లేదా అనేది ట్రైలర లో ఎంతో ఎమోషనల్ గా ఇంట్రెస్టింగ్ గా చూపించారు.
