కోలీవుడ్ స్టార్ సూర్య నటించిన సూపర్ హిట్ మూవీ సూర్య సన్నాఫ్ కృష్ణన్ తెలుగు రాష్ట్రాల్లో రీ రిలీజ్ అయ్యింది. ఈ సినిమా తొలి రోజు దాదాపు కోటి రూపాయల వసూళ్లు సాధించడం ఆశ్చర్యానికి గురి చేసింది. ఈ సినిమాకు వస్తున్న స్పందనపై హీరో సూర్య తన ఆనందాన్ని వ్యక్తం చేశారు. ఇలాంటి రెస్పాన్స్ ఊహించలేదని, తెలుగు ప్రేక్షకులు ది బెస్ట్ అంటూ ట్వీట్ చేశారు. ఈ సినిమా ప్రదర్శిస్తున్న థియేటర్ క్లిప్పింగ్స్ ఆయన పోస్ట్ చేశారు.
దర్శకుడు గౌతమ్ వాసుదేవ్ మీనన్ రూపొందించిన ఈ సినిమా 2008లో విడుదలైంది. ఈ సినిమాలో సూర్య ద్విపాత్రాభినయం చేశారు. సమీర రెడ్డి హీరోయిన్ గా నటించింది. సూర్య కెరీర్ లో ఇదొక స్పెషల్ మూవీగా చెప్పుకోవచ్చు. సూర్య కొత్త సినిమా కంగువ టీజర్ రిలీజై మిగతా భాషలతో పాటు తెలుగులోనూ సూపర్బ్ రెస్పాన్స్ తెచ్చుకుంది. సూర్యకున్న తెలుగు ఫ్యాన్ బేస్ ను మరోసారి ప్రూవ్ చేసింది.
