సుప్రీమ్ హీరో సాయిదుర్గ తేజ్ తెలుగు చిత్ర పరిశ్రమలో పదేళ్ల జర్నీ పూర్తి చేసుకున్నారు. ఆయన హీరోగా నటించిన పిల్లా నువ్వులేని జీవితం సినిమా రిలీజై ఈ రోజుతో పదేళ్లవుతోంది. తొలి చిత్రంతోనే తన నటన డ్యాన్సులతో ప్రేక్షకుల్ని ఆకట్టుకున్నారు సాయి దుర్గ తేజ్. పిల్లా నువ్వులేని జీవితం సినిమాలో ఆల్ రౌండ్ పర్ ఫార్మెన్స్ చూపించారీ సుప్రీమ్ హీరో.
ఆ తర్వాత సుప్రీమ్, చిత్రలహరి, ప్రతిరోజు పండగే, విరూపాక్ష వంటి సూపర్ హిట్ చిత్రాలతో తన స్టార్ డమ్ పెంచుకున్నారు సాయిదుర్గ తేజ్. పవన్ సరసన బ్రో చిత్రంలో నటించి తన డ్రీమ్ నెరవేర్చుకున్నారు. ప్రస్తుతం ఆయన నటిస్తున్న 18వ సినిమా ఎస్ డీటీ 18 భారీ బడ్జెట్ తో పాన్ ఇండియా మూవీగా రూపొందుతోంది. తన సినిమాలతో పాటు సేవా కార్యక్రమాలతోనూ ప్రజలకు దగ్గరయ్యారు సాయిదుర్గ తేజ్. ఆయన 10 ఏళ్ల నట ప్రయాణం సందర్భంగా సోషల్ మీడియాలో విశెస్ వెల్లువెత్తుతున్నాయి.
