సూపర్ స్టార్ రజినీకాంత్ హీరోగా నెల్సన్ దిలిప్ కుమార్ తెరకెక్కించిన చిత్రం జైలర్. ఇటీవల కాలంలో రజినీకాంత్ నటించిన సినిమాలు ఆశించినంతగా ఆకట్టుకోవడం లేదు. దీంతో అభిమానులు జైలర్ మూవీ పై చాలా ఆశలు పెట్టుకున్నారు. ఆగష్టు 10న జైలర్ మూవీ విడుదల కానుంది. ఈ సందర్భంగా జైలర్ ట్రైలర్ రిలీజ్ చేశారు. ఈ ట్రైలర్ విషయానికి వస్తే.. ఆద్యంతం పవర్ఫుల్ యాక్షన్ సన్నివేశాలతో అదిరిపోయింది. సినిమా పై మరింత అంచనాలను పెంచేసింది. ఎప్పటిలాగే రజనీకాంత్ తన పవర్ ఫుల్ ప్రెజెన్స్, పెర్ఫార్మెన్స్, స్వాగ్, డైలాగ్ డెలివరీతో కనిపించారు.
యాక్షన్ విజువల్స్.. సీట్ ఎడ్జ్ థ్రిల్ను అందిస్తూ మరింతగా ఆసక్తిని పెంచేశాయి. రజనీ యాక్షన్ మోడ్‍లో మైండ్ బ్లోయింగ్ అనేలా ఉంది. చివర్లో టైగర్‌గా హుకుం అంటూ రజినీ చెప్పిన డైలాగ్ హైలైట్గా ఉంది. అయితే ఈ రజనీ సన్నివేశాలన్నింటికీ మ్యూజిక్ డైరెక్టర్ అనిరుధ్ రవిచందర్ అందించిన బ్యాక్‍గ్రౌండ్ మ్యూజిక్ బ్రిలియంట్గా ఉంది. రజనీ పాత్రను మరింత బాగా ఎలివేట్ చేశారు. తమన్నా సాంగ్ అయితే… సోషల్ మీడియాను షేక్ చేస్తుంది. మొత్తానికి జైలర్ ట్రైలర్ అదిరింది. మరి.. ఈ సినిమాతో అయినా రజినీ ఆశించిన విజయాన్ని సాధిస్తాడేమో చూడాలి.
