శ్రద్ధా కపూర్(Shradda kapoor), రాజ్ కుమార్ రావ్(Rajkumar rao) ప్రధాన పాత్రల్లో నటించిన స్త్రీ 2(Stree 2) సినిమా బాలీవుడ్ బాక్సాఫీస్ వద్ద సెన్సేషన్ క్రియేట్ చేస్తోంది. ఈ సినిమా వసూళ్లలో గత సినిమాల రికార్డ్ లు తుడిచేస్తోంది. ఇప్పటికే పలు మూవీస్ ను క్రాస్ చేసిన స్త్రీ 2 ఇప్పుడు కేజీఎఫ్ 2(KGF 2) రికార్డ్ ను కూడా అధిగమించింది.
కేజీఎఫ్ 2 బాలీవుడ్ లో 435 కోట్ల రూపాయల వసూళ్లు అందుకోగా..స్త్రీ 2 సినిమా తాజాగా 442 కోట్ల రూపాయల వసూళ్లతో కేజీఎఫ్ 2 ను దాటేసింది. స్త్రీ 2 జోరు చూస్తుంటే మరిన్ని సినిమాల బాక్సాఫీస్ రికార్డ్ లు చెరిగిపోయేలా ఉన్నాయి. హారర్ కామెడీగా స్త్రీ 2 సినిమాను దర్శకుడు అమర్ కౌశిక్ రూపొందించారు. మ్యాడాక్ ఫిలింస్ కు మరో సూపర్ హిట్ అందించిందీ సినిమా.
