స్టార్ హీరో సూర్య తెలుగు దర్శకుడితో సినిమా చేసేందుకు రెడీ అయ్యారు. ఆయన దర్శకుడు చందూ మొండేటితో మూవీ చేసేందుకు గ్రీన్ సిగ్నల్ ఇచ్చినట్లు తెలుస్తోంది. కార్తికేయ, కార్తికేయ 2 వంటి చిత్రాలతో సక్సెస్ ఫుల్ డైరెక్టర్ గా ఎదిగారు చందూ మొండేటి. ఆయన ఇటీవల సూర్యకు చెప్పిన కథ నచ్చి సినిమా చేసేందుకు ఓకే చెప్పారట. ఈ ప్రాజెక్ట్ డీటెయిల్స్ మరికొద్ది రోజుల్లో అఫీషియల్ గా వెల్లడి కానున్నాయి.
సూర్య ప్రస్తుతం దర్శకుడు వెట్రిమారన్ తో ఓ మూవీ, కార్తీక్ సుబ్బరాజ్ డైరెక్షన్ లో రెట్రో సినిమాలో నటిస్తున్నారు. చందూ మొండేటి నాగ చైతన్య హీరోగా తండేల్ మూవీ రూపొందిస్తున్నారు. ఈ సినిమా ఫిబ్రవరి 7న థియేట్రికల్ రిలీజ్ కు రెడీ అవుతోంది. తండేల్ సినిమా మీద మంచి బజ్ క్రియేట్ అయ్యింది.
