చిన్న చిత్రాలు ప్రేక్షకులకు రీచ్ కావాలంటే స్టార్ హీరోలు, స్టార్ టెక్నీషియన్స్ సపోర్ట్ అవసరం. అలాంటి సపోర్ట్ ‘అరి’ సినిమాకు అందించేందుకు ముందుకొచ్చారు ప్రముఖ దర్శకులు నాగ్ అశ్విన్. ‘అరి’ సినిమా నుంచి భగ భగ సాంగ్ ను ఆయన ఈ రోజు రిలీజ్ చేశారు. సాంగ్ కాన్సెప్ట్ చాలా బాగుందన్న నాగ్ అశ్విన్..‘అరి’ సినిమా విజయాన్ని అందుకోవాలని కోరారు.
తను బాగుండాలనే ఒకే ఒక లక్ష్యంతో మనిషి ఈ ప్రకృతిలోని ప్రతి అందాన్నీ ధ్వంసం చేస్తూ జీవిస్తున్నాడు. తన స్వార్థం కోసం మనిషి మృగంలా మారుతున్నాడు. ఈ క్రమాన్ని పాటలో ఆవిష్కరిస్తూ భగ భగ సాంగ్ ఆకట్టుకునేలా రూపొందించారు. ఈ పాటను అనూప్ రూబెన్స్ కంపోజ్ చేశారు. వనమాలి లిరిక్స్ రాయగా. షణ్ముక ప్రియ, రోహిత్ పీవీఎన్ఎస్ పాడారు.
ఆర్ వీ రెడ్డి సమర్పణలో ఆర్వీ సినిమాస్ పతాకంపై శ్రీనివాస్ రామిరెడ్డి, డా.తిమ్మప్ప నాయుడు పురిమెట్ల Ph.D ‘అరి’ సినిమాను నిర్మిస్తున్నారు. ఈ చిత్రంలో వినోద్ వర్మ, సూర్య పురిమెట్ల, అనసూయ భరద్వాజ్, సాయి కుమార్, శ్రీకాంత్ అయ్యంగార్ కీలక పాత్రల్లో నటిస్తున్నారు. “పేపర్ బాయ్” చిత్రంతో ప్రతిభావంతమైన దర్శకుడుగా పేరు తెచ్చుకున్న జయశంకర్ దర్శకత్వంలో ఈ సినిమా రూపొందుతోంది. “అరి” సినిమా ప్రస్తుతం అన్ని కార్యక్రమాలు పూర్తి చేసుకుని విడుదల సిద్ధమవుతోంది.
