హీరో మాస్, హీరోయిన్ క్లాస్, ఈ కాంబినేషన్ ఎప్పుడూ హిట్టే. ఇదే తరహాలో ఆడియెన్స్ ముందుకు రాబోతోంది “డ్రింకర్ సాయి” సినిమా. ఈ రోజు ప్రముఖ దర్శకుడు మారుతి చేతుల మీదుగా ఈ సినిమా ఫస్ట్ లుక్, టైటిల్ లాంఛ్ అయ్యింది. ఈ ఫస్ట్ లుక్ టైటిల్ ఆసక్తికరంగా ఉన్నాయి. బ్రాండీ బాటిల్ లో స్ట్రా వేసుకుని తాగుతున్న హీరో ఒకవైపు, కొబ్బరి బోండాం నీళ్లు తాగుతున్న హీరోయిన్ మరోవైపు నిలబడి ఉండటం ఫస్ట్ లుక్ లో కనిపిస్తోంది. ఇద్దరు భిన్నమైన అలవాట్లు ఉన్న ఈ జంట ఎలా ప్రేమలో కలిశారు అనేది తెరపై ఇంట్రెస్టింగ్ గా చూపించబోతున్నట్లు తెలుస్తోంది.
“డ్రింకర్ సాయి” సినిమాలో ధర్మ, ఐశ్వర్య శర్మ హీరో హీరోయిన్లుగా నటిస్తున్నారు. ఈ చిత్రాన్ని ఎవరెస్ట్ సినిమాస్, స్మార్ట్ స్క్రీన్ ఎంటర్ టైన్ మెంట్స్ బ్యానర్స్ పై బసవరాజు శ్రీనివాస్, ఇస్మాయిల్ షేక్, బసవరాజు లహరిధర్ నిర్మిస్తున్నారు. కొన్ని వాస్తవ ఘటనల ఆధారంగా దర్శకుడు కిరణ్ తిరుమలశెట్టి ఈ చిత్రాన్ని రూపొందిస్తున్నారు. త్వరలోనే “డ్రింకర్ సాయి” సినిమా ప్రేక్షకుల ముందుకు వచ్చేందుకు సిద్ధమవుతోంది.
