పవర్ స్టార్ పవన్ కల్యాణ్ నటిస్తున్న సినిమాల్లో తక్కువ టైమ్ లో ఎక్కువ ప్రోగ్రెస్ అయ్యింది మాత్రం ఓజీ సినిమానే. ఈ సినిమా కంటిన్యుయస్ షెడ్యూల్స్ లో షూటింగ్ జరుపుకుంటోంది. అటు పొలిటికల్ గా పవన్ బిజీ మధ్య ఇంత వేగంగా ఓజీ షూటింగ్ కంప్లీట్ చేస్తూ రావడం ఆశ్చర్యాన్ని కలిగిస్తోంది. కన్ఫ్యూజన్ లేకుండా దర్శకుడు సుజీత్ చేసుకున్న ప్లానింగ్ వల్లే ఇది సాధ్యమైందని అనుకోవచ్చు.
ఇప్పటికే సగానికి పైగా ఓజీ షూటింగ్ జరిపారట. ఇక ఈ సినిమా నుంచి పవన్ బర్త్ డే సందర్భంగా సెప్టెంబర్ 2న స్పెషల్ గ్లింప్స్ రిలీజ్ చేస్తారని తెలుస్తోంది. ఈ గ్లింప్స్ కు సంబంధించిన వర్క్స్ ప్రస్తుతం జరుగుతున్నట్లు తెలుస్తోంది. దీంతో పవన్ బర్త్ డే రోజున ఓజీ గ్లింప్స్ ఫీస్ట్ పక్కా అనుకోవచ్చు.
గ్యాంగ్ స్టర్ కథతో స్టైలిష్ యాక్షన్ ఎంటర్ టైనర్ గా ఓజీ ఉండబోతోంది. ఈ చిత్రాన్ని డీవీవీ ఎంటర్ టైన్ మెంట్స్ సంస్థలో దానయ్య నిర్మిస్తున్నారు. ప్రియాంక మోహన్ హీరోయిన్ గా నటిస్తోంది. నెక్ట్ ఇయర్ సమ్మర్ కు ఓజీ రిలీజ్ ప్లాన్ చేస్తున్నారు.
