గ్లోబల్ స్టార్ రామ్ చరణ్‌, సెన్సేషనల్ డైరెక్టర్ శంకర్ కాంబినేషన్లో రూపొందుతోన్న భారీ పాన్ ఇండియా మూవీ గేమ్ ఛేంజర్. ఈ చిత్రాన్ని టాలీవుడ్ టాప్ ప్రొడ్యూసర్ దిల్ రాజు అత్యంత ప్రతిష్టాత్మకంగా నిర్మిస్తున్నారు. పొలిటికల్ థ్రిల్లర్ గా తెరకెక్కుతున్న ఈ సినిమా పై భారీ అంచనాలు ఉన్నాయి. ఇందులో చరణ్‌ ద్విపాత్రాభినయం చేయనున్నారని.. ఈ రెండు పాత్రలు చాలా డిఫరెంట్ గా ఉంటాయని వార్తలు వస్తున్నాయి. ఇదిలా ఉంటే.. ఈ సినిమా సాంగ్స్ బడ్జెట్ హాట్ టాపిక్ అయ్యింది.
ఇంతకీ విషయం ఏంటంటే… శంకర్ సినిమా అంటే చాలా భారీగా ఉంటుంది. ఇక సాంగ్స్ అయితే.. చాలా రిచ్ గా.. వావ్ అనిపించే విజువల్స్ తో ఉంటాయి. ఈ సినిమాలో కూడా సాంగ్స్ అదిరిపోయాయి అనేలా ఉంటాయట. ఈ సాంగ్స్ కోసమే ఏకంగా 90 కోట్లు ఖర్చుపెడుతున్నారట. ఇందులో 5 పాటలు ఉన్నాయట. ఈ ఐదు పాటలు వేటికవే సూపర్ అనేలా డిజైన్ చేశారట. ఈ చిత్రానికి సెన్సేషనల్ మ్యూజిక్ డైరక్టర్ థమన్ సంగీతం అందిస్తున్నారు. తను ఇప్పటి వరకు అందించిన పాటలు వేరు.. ఈ సినిమాలో పాటలు వేరు అని థమన్ చెప్పారు. దీనిని బట్టి ఇందులో పాటలు ఏ రేంజ్ లో ఉంటాయో అర్థం చేసుకోవచ్చు. మొత్తానికి గేమ్ ఛేంజర్ పాటల విషయంలో సెన్సేషన్ క్రియేట్ చేయడం ఖాయం అనే టాక్ వినిపిస్తోంది.
