రామ్ బోయపాటి కాంబినేషన్ స్కంధ మూవీ ట్రైలర్ తో పడిన బ్యాడ్ ఇంప్రెషన్ పోవడం లేదు. ప్రమోషన్స్ స్టార్ట్ చేసి ఒక్కో లిరికల్ సాంగ్ రిలీజ్ చేస్తూ వచ్చారు. ఇప్పటికి మూడు పాటలు నీ చుట్టూ చుట్టూ, గండర బాయ్, కల్ట్ మామ రిలీజ్ చేశారు. ఈ లిరికల్ సాంగ్స్ కూడా పెద్దగా ఇంపాక్ట్ చూపించలేదు. రీసెంట్ గా ఇంటర్వ్యూస్ మొదలుపెట్టినా కావాల్సిన హైప్ రావడం లేదు. సాధారణంగా డైరెక్టర్ బోయపాటి సినిమా ఎలా ఉన్నా ట్రైలర్ కిక్ ఇస్తుంది. ట్రైలర్ తోనే మూవీ మీద హీట్ మొదలవుతుంది. కానీ స్కంధకు ఇలాంటివి జరగలేదు.
ఇవాళ కరీంనగర్ లో భారీ ఈవెంట్ ప్లాన్ చేశారు. కరీంనగర్ లో ఈ రేంజ్ సినిమా ప్రమోషన్ ఫంక్షన్ జరగడం ఇదే తొలిసారి. ఇక్కడ స్కంధ మూవీ రిలీజ్ ట్రైలర్ విడుదల చేయబోతున్నారు. ఈ సెకండ్ ట్రైలర్ తో ఏమన్నా మూవీ మీద ఇంట్రెస్ట్ ఏర్పడుతుందో చూడాలి.
ఇక రీసెంట్ గా పోస్టర్స్ కూడా మార్చేశారు. అప్పటిదాకా పోస్టర్ నిండా అమ్మాయిలు, లేడీ క్యారెక్టర్స్ ఉండటంతో ఇంతమంది ఫీమేల్ ఆర్టిస్టులా, వీళ్లంతా సినిమాలో ఏం చేస్తారనే విమర్శలూ వచ్చాయి. దాంతో ఇప్పుడొస్తున్న కొత్త పోస్టర్స్ లో అమ్మాయిలను తగ్గించి మేల్ ఆర్టిస్టుల ఫొటోస్ పెడుతున్నారు. ఈ నెల 28న స్కంధ రిలీజ్ కాబోతోంది.
