టాలీవుడ్ హీరో శర్వానంద్ మరో క్రేజీ మూవీలో ఆఫర్ దక్కించుకున్నట్లు తెలుస్తోంది. సౌతిండియా సూపర్ స్టార్ రజనీకాంత్ నటించనున్న కొత్త సినిమాలో శర్వానంద్ ఓ క్యారెక్టర్ చేయబోతున్నట్లు సమాచారం. ఈ సినిమాను దర్శకుడు టీజీ జ్ఞానవేల్ రూపొందిస్తున్నారు. ఈ సినిమాలో శర్వానంద్ కీలక పాత్రకు ఎంపికైనట్లు కోలీవుడ్ మీడియా పేర్కొంది. తమిళ ప్రేక్షకులకు శర్వానంద్ బాగా పరిచయం. ఆయన జర్నీ, ఒకే ఒక జీవితం లాంటి పలు చిత్రాలతో కోలీవుడ్ ఆడియెన్స్ కు దగ్గరయ్యారు.
రజనీతో శర్వాకు నటించే అవకాశం దక్కితే అది ఆయన కెరీర్ లోనే బెస్ట్ మెమొరీ అవడం ఖాయం. పెళ్లి తర్వాత పర్సనల్ లైఫ్ కు కొంత టైమ్ కేటాయించిన శర్వానంద్…ప్రస్తుతం దర్శకుడు శ్రీరామ్ ఆదిత్య రూపొందిస్తున్న సినిమాలో నటిస్తున్నారు. ఈ చిత్రాన్ని పీపుల్ మీడియా ఫ్యాక్టరీ బ్యానర్ లో టీజీ విశ్వప్రసాద్ నిర్మిస్తున్నారు. మరికొన్ని ఇంట్రెస్టింగ్ ప్రాజెక్ట్స్ శర్వా ఖాతాలో ఉన్నాయి.
