పాన్ ఇండియా స్టార్ ప్రభాస్ కొత్త సినిమా సలార్ ప్రీ బుకింగ్స్ యూఎస్ లో మొదలయ్యాయి. సోమవారం నుంచి ఈ బుకింగ్స్ మొదలవగా…గంటల్లోనే 100కె డాలర్స్ ప్రీసేల్స్ అమ్మకాలు జరిగినట్లు డిస్ట్రిబ్యూటర్స్ వెల్లడిస్తున్నారు. ఆమెరికాలో పూర్తి స్థాయిలో బుకింగ్స్ మొదలుకాలేదు. లిమిటెడ్ బుకింగ్స్ అయినా రికార్డ్ స్థాయిలో సేల్స్ జరుగుతుండటం సలార్ మీద ప్రపంచవ్యాప్తంగా ఉన్న క్రేజ్ చూపిస్తోంది.
హోంబలే ఫిలింస్ నిర్మాణంలో దర్శకుడు ప్రశాంత్ నీల్ రూపొందిస్తున్న ఈ సినిమా రెండు పార్టులుగా రానుంది. తొలి భాగం సలార్ పార్ట్ 1 సీజ్ ఫైర్ సెప్టెంబర్ 28న రిలీజ్ కు రెడీ అవుతోంది. ఈ నెలాఖరుకు సలార్ ట్రైలర్ రిలీజ్ చేయబోతున్నట్లు తెలుస్తోంది. దాదాపు నెలన్నర ముందు నుంచే ప్రపంచవ్యాప్తంగా ఈ సినిమా రిలీజ్ కు సంబంధించిన సన్నాహాలు మొదలవడం విశేషం. యూఎస్ లో ఇప్పటిదాకా ఏ మూవీ రిలీజ్ కానన్న సెంటర్స్ లో సలార్ తెరపైకి వస్తోంది. అన్ని మేజర్ మూవీ ఫార్మేట్స్ లో సలార్ ప్రదర్శనలు జరగనున్నాయి.
