పాన్ ఇండియా స్టార్ ప్రభాస్ హీరోగా సెన్సేషనల్ డైరెక్టర్ ప్రశాంత్ నీల్ డైరెక్షన్ లో రూపొందుతోన్న భారీ పాన్ ఇండియా మూవీ సలార్. ఇందులో ప్రభాస్ కు జంటగా శృతి హాసన్ నటించింది. బాహుబలి హీరో, కేజీఎఫ్ డైరెక్టర్ కలసి చేస్తున్న మూవీ కావడంతో సలార్ పై ఫస్ట్ నుంచి భారీ అంచనాలు ఉన్నాయి. ఈ క్రేజీ మూవీ కోసం అభిమానులు ఎప్పుడెప్పుడు థియేటర్లోకి వస్తుందా అని ఆతృతగా ఎదురు చూస్తున్నారు. సెప్టెంబర్ 28న సలార్ మూవీని భారీ స్థాయిలో విడుదల చేసేందుకు ప్లాన్ చేస్తున్నారు.
అయితే.. ఈ నెలాఖరున ఈ మూవీ అడ్వాన్స్ బుకింగ్స్ ఓపెన్ చేస్తారనుకుంటే.. యు.ఎస్ లో సడన్ గా బుకింగ్స్ ఓపెన్ చేశారు. ఇలా ఓపెన్ చేసారో లేదో.. అలా రికార్డు స్థాయిలో బుకింగ్స్ జరుగుతున్నాయి. బుకింగ్స్ ఓపెన్ చేసిన గంటలోనే లక్ష డాలర్లకు పైగా వసూలు చేసింది. సోషల్ మీడియాలో సలార్ టిక్కెట్స్ బుక్ చేసామంటూ అభిమానులు పోస్టులు పెట్టడం వైరల్ అయ్యింది. బాహుబలి తర్వాత ప్రభాస్ నుంచి ఆశించిన రేంజ్ లో బ్లాక్ బస్టర్ రాలేదు. అందుకని అభిమానులు సలార్ పై చాలా ఆశలు పెట్టుకున్నారు. మరి.. సలార్ అభిమానుల అంచనాలను అందుకుని సెన్సేషన్ క్రియేట్ చేస్తుందేమో చూడాలి.
