ప్రభాస్ కొత్త సినిమా సలార్ రిలీజ్ డేట్ కన్ఫర్మ్ అయ్యింది. ఈ సినిమాను డిసెంబర్ 22న రిలీజ్ చేస్తున్నట్లు నిర్మాణ సంస్థ హోంబలే ఫిలింస్ ఇవాళ అఫీషియల్ గా ప్రకటించింది. ఈ నెల 28న రావాల్సిన ఈ సినిమా పోస్ట్ ప్రొడక్షన్ కార్యక్రమాల ఆలస్యంతో డిసెంబర్ 22కు షిప్ట్ అయ్యింది. సలార్ రిలీజ్ డేట్ అనౌన్స్ మెంట్ సందర్భంగా విడుదల చేసిన పోస్టర్ లో ప్రభాస్ బ్లడ్ బాత్ చేసినట్లు ఉన్నారు. కమింగ్ వెరీ సూన్ బదులు కమిండ్ బ్లడీ సూన్ అనే క్యాప్షన్ రాశారు. సలార్ యాక్షన్ ఏ రేంజ్ లో ఉంటుందో ఈ పోస్టర్ తో అర్థమవుతోంది.
డిసెంబర్ 22న సలార్ కన్ఫర్మ్ అవడంతో అప్పటికి రిలీజ్ షెడ్యూల్ పెట్టుకున్న వెంకటేష్ సైంధవ్, నాని హాయ్ నాన్న, నితిన్ ఎక్స్ట్రా ఆర్డినరీ మ్యాన్ సినిమాల డేట్స్ మారేలా ఉన్నాయి. ఇక బాలీవుడ్ లో షారుఖ్ ఖాన్ డంకీ మూవీతో సలార్ పోటీ పడనుంది. రెండు భాగాలుగా సలార్ మూవీని రూపొందిస్తున్నారు దర్శకుడు ప్రశాంత్ నీల్. శృతి హాసన్ హీరోయిన్ గా నటిస్తోంది. సలార్ రాకతో డిసెంబర్ 22న బాక్సాఫీస్ లు షేక్ అవడం కన్ఫర్మ్ అనుకోవచ్చు.
