స్టార్ హీరో ప్రభాస్ నటిస్తున్న పాన్ ఇండియా మూవీ రిలీజ్ డేట్ కోసం సినీ ప్రియులు ఎంతగానో ఎదురుచూస్తున్నారు. ఈ నెల 28న రిలీజ్ కావాల్సి ఈ మూవీ వాయిదా పడింది. ఇక అప్పటి నుంచి సలార్ కొత్త రిలీజ్ డేట్ కోసం అంతా వెయిట్ చేస్తున్నారు. తాజాగా ఈ విషయంలో ఓ అప్ డేట్ రివీల్ అయ్యింది. ఈ క్రిస్మస్ పండుగకు డిసెంబర్ 22న సలార్ థియేటర్స్ లోకి రాబోతోందట. ఈ మేరకు ఎగ్జిబిటర్స్ కు మెయిల్స్ కూడా వెళ్లినట్లు తెలుస్తోంది. నిర్మాణ సంస్థ హోంబలే ఫిలింస్ ఈ నెల 29న సలార్ రిలీజ్ డేట్ ను అఫీషియల్ గా ప్రకటించబోతోంది.
ఇదే డేట్ కు షారుఖ్ ఖాన్ డంకీ సినిమా కూడా రిలీజ్ ప్లాన్ చేసుకుంది. సో ఈ సారి బాక్సాఫీస్ వద్ద సలార్ వర్సెస్ డంకీ పోటీ ఉండబోతోంది. పఠాన్, జవాన్ వంటి బ్లాక్ బస్టర్ హిట్స్ తో డంకీ మీద విపరీతమైన అంచనాలు నెలకొన్నాయి. డైరెక్టర్ రాజ్ కుమార్ హిరాణీ హిట్ ట్రాక్ కూడా ఇందుకు మరో కారణం. ఇక ఇటు చూస్తే సలార్ డైనోసార్ లాంటి ఓపెనింగ్స్ రాబట్టడం ఖాయం. దర్శకుడు ప్రశాంత్ నీల్, ప్రభాస్ కాంబో మీద భారీ ఎక్స్ పెక్టేషన్స్ ఉన్నాయి.
సలార్ కొత్త డేట్ ప్రచారంతో క్రిస్మస్ రిలీజ్ కు ప్లాన్ చేసుకున్న తెలుగు సినిమాల్లో కలవరం మొదలైంది. డిసెంబర్ 21న నాని హాయ్ నాన్న, డిసెంబర్ 22న వెంకటేష్ సైంధవ్, సుధీర్ బాబు హరోం హర, డిసెంబర్ 23న నితిన్ ఎక్స్ ట్రా ఆర్డినరీ మ్యాన్ సినిమాలు రిలీజ్ షెడ్యూల్ పెట్టుకున్నాయి. సలార్ రాకతో వీటి రిలీజ్ డేట్స్ తారుమారయ్యే అవకాశముంది.
