సుప్రీమ్ హీరో సాయి దుర్గతేజ్ తన అభిమానులను ఖుషీ చేశారు. తన కొత్త సినిమా సంబరాల ఏటిగట్టు సెట్ కు అభిమానులను పిలిపించుకుని మీట్ అయ్యారు. ఈ ఫ్యాన్స్ మీట్ కు రెండు తెలుగు రాష్ట్రాల్లోని వివిధ ఏరియాల నుంచి అభిమానులు సాయి దుర్గతేజ్ ను కలిసేందుకు వచ్చారు. వారికి గుర్తుండిపోయే లంచ్ ఏర్పాటుచేశారు సాయి దుర్గతేజ్. తనకు నమస్కారం పెట్టొద్దని, దేవుడికి, తల్లిదండ్రులకు, గురువులకు మాత్రమే నమస్కారం చేయాలని సాయి దుర్గతేజ్ అభిమానులను కోరారు. అలాగే తిరుగు ప్రయాణంలో జాగ్రత్తగా వెళ్లాలని ఆయన సూచించారు. తమ అభిమాన హీరో చూపించిన ఆదరణ పట్ల అభిమానులు సంతోషాన్ని వ్యక్తం చేశారు.
“సంబరాల ఏటిగట్టు” చిత్రాన్ని ప్రైమ్‌షో ఎంటర్‌టైన్‌మెంట్ బ్యానర్ పై కె నిరంజన్ రెడ్డి, చైతన్య రెడ్డి నిర్మిస్తున్నారు. నూతన దర్శకుడు రోహిత్ కేపీ రూపొందిస్తున్నారు. “సంబరాల ఏటిగట్టు” కార్నేజ్ కు హ్యూజ్ రెస్పాన్స్ వచ్చింది. సెప్టెంబర్ 25న సంబరాల ఏటిగట్టు సినిమా ప్రేక్షకుల ముందుకురానుంది.
