వేణు తొట్టెంపూడి నటిస్తున్న వెబ్ సిరీస్ “అతిథి”. డిస్నీ ఫ్లస్ హాట్ స్టార్ స్పెషల్స్ గా ఈ వెబ్ సిరీస్ ప్రేక్షకుల రాబోతోంది. “అతిథి” వెబ్ సిరీస్ ను రాండమ్ ఫ్రేమ్స్ ఎంటర్ టైన్ మెంట్ బ్యానర్ పై దర్శకుడు భరత్ వైజీ రూపొందిస్తున్నారు. ప్రముఖ దర్శకుడు ప్రవీణ్ సత్తారు షో రన్నర్ గా వ్యవహరిస్తున్నారు. ఈ వెబ్ సిరీస్ ఈ నెల 19 నుంచి స్ట్రీమింగ్ కు సిద్ధమవుతోంది. తాజాగా “అతిథి” ట్రైలర్ రిలీజ్ చేశారు. ఈ ట్రైలర్ ఎలా ఉందో రివ్యూలో చూద్దాం
ఒక రైటర్ స్క్రిప్ట్ రాస్తుంటే స్క్రీన్ మీద జరుగుతున్న కథలా ఈ వెబ్ సిరీస్ ఉండబోతున్నట్లు ట్రైలర్ ద్వారా తెలుస్తోంది. ఒక వెర్షన్ లో ప్రేమలో మోసపోయిన ఓ యువతి ఆత్మహత్య చేసుకుంది. అప్పటినుంచి దెయ్యమై ఈ రోడ్డు మీద వెళ్లే వారిని వేధిస్తోంది అని డైలాగ్ రాగా…ఇది రొటీన్ గా ఉందంటూ చెప్పడం..మళ్లీ ట్విస్టులతో కొత్త కథ తెరపై కనిపించడం ట్రైలర్ లో ఉంది. ఈ కొత్త వెర్షన్ లో హీరో వేణు ఉంటున్న ఓ పెద్ద భవంతిలోకి అందమైన యువతి అవంతిక మిశ్రా అతిథిగా ఆశ్రయం కోరి వస్తుంది. ఆమె ఇంట్లోకి వచ్చినప్పటి నుంచి విచిత్రమైన ఘటనలు జరుగుతుంటాయి. వేణు స్నేహితుడు అనుమానంతో ఆమె దెయ్యమని చెబుతాడు. స్నేహితుడి మాటలు నమ్మని వేణు ధైర్యంగా ఆ అమ్మాయితో మాట్లాడుతుంటాడు. ఈ అనూహ్య ఘటనలు పీక్ స్టేజ్ కు చేరిన తర్వాత గానీ వేణులో అనుమానం మొదలవదు. ఇంతకీ ఆమె ఎవరు, మనిషా, దెయ్యామా అనేది సిరీస్ లో చూడాలి. మేకింగ్ క్వాలిటీ, యాక్టర్స్ పర్ ఫార్మెన్స్, ట్రైలర్ లో ట్విస్ట్ లు ఆకట్టుకునేలా ఉన్నాయి. మొత్తంగా ట్రైలర్ “అతిథి” పై ఆసక్తి కలిగించేలా కట్ చేశారు.
