వరుణ్ తేజ్ హీరోగా నటించిన మట్కా సినిమా ఈ నెల 14న థియేట్రికల్ రిలీజ్ కు వస్తోంది. ఈ రోజు ఈ సినిమా ట్రైలర్ ను మెగాస్టార్ చిరంజీవి సోషల్ మీడియా ద్వారా రిలీజ్ చేశారుు. ఈ చిత్రానికి ఫలాస ఫేమ్ డైరెక్టర్ కరుణ కుమార్ రూపొందిస్తున్నారు. మీనాక్షి చౌదిర, నోరా ఫతేహీ హీరోయిన్స్ గా నటిస్తున్నారు. ఇతర పాత్రల్లో నవీన్ చంద్ర, సత్యం రాజేశ్, శత్రు కనిపించారు. మట్కా ట్రైలర్ ఎలా ఉందో చూస్తే…
వైజాగ్ లో వాసు మట్కా కింగ్. డబ్బు అతనికి వ్యసనం. భార్య చెప్పినా ఆ వ్యసనాన్ని మానుకోడు. తన వల్ల పదిమంది కడుపులు నిండుతున్నాయి అని చెప్పుకుంటాడు. మట్కా జూదం వాసును ఎక్కడికి తీసుకెళ్లింది, ఎవరెవరికి శత్రువులను చేసింది, ఆ శత్రువులను వాసు ఎలా ఎదుర్కొన్నాడు అనే అంశాలతో హీరోయిజం ఎలివేట్ చేస్తూ మట్కా ట్రైలర్ సాగింది. వాసు జీవితంలోని వివిధ దశల్లో నటుడిగా వరుణ్ తేజ్ చూపించిన వేరియేషన్ ఆకట్టుకుంది. సర్కస్ లో బఫూన్లని చూసి జనమంతా నవ్వుతారు, చప్పట్లు కొడతారు, కానీ ఒక చిన్న కర్ర పట్టుకుని, పులుల్ని సింహాల్ని ఆడించేవాడు ఒకడుంటాడు, అలాంటోడే వీడు. రింగ్ మాస్టర్ అనే డైలాగ్ హైలైట్ గా నిలుస్తోంది. కరుణ కుమార్ కు రైటింగ్ మీద ఆసక్తి ఎక్కువ అందుకే ట్రైలర్ ను డైలాగ్స్ తో నింపేశాడు.
