సూర్య హీరోగా నటించిన కంగువ సినిమా మరో నాలుగు రోజుల్లో ప్రపంచవ్యాప్తంగా ప్రేక్షకుల ముందుకు రాబోతోంది. ఈ సినిమా రిలీజ్ ట్రైలర్ ను ఈ రోజు విడుదల చేశారు. ఈ ట్రైలర్ సినిమా మీద మరిన్ని అంచనాలు పెంచేలా ఉంది. కంగువ రిలీజ్ ట్రైలర్ లో సూర్య రెండు వైవిధ్యమైన పాత్రల్లో ఆకట్టుకున్నారు. వెయ్యేళ్ల కిందటి యుద్ధ వీరుడు కంగువగా, నేటి ఆధునిక ప్రపంచంలోని వ్యక్తిగా రెండు టైమ్ ఫ్రేమ్స్ లో సూర్య నట విశ్వరూపం చూపించారు.
ఒక ప్రతిజ్ఞ, ఒక కుట్ర, ఒక పునర్జన్మ, ఒక గౌరవం..ఈ ఎలిమెంట్స్ ను క్యాప్షన్స్ గా కంగువ రిలీజ్ ట్రైలర్ లో చూపించారు. ఈ రెండు కాలాల మధ్య కథానాయకుడు చేసిన ప్రయాణం ఆద్యంతం ఆసక్తికరంగా ఉండబోతోంది. టెక్నికల్ గా కంగువ సినిమా ఎంత బ్రిలియంట్ గా ఉండబోతుందో రిలీజ్ ట్రైలర్ తో తెలుస్తోంది.
