గ్లోబల్ స్టార్ రామ్ చరణ్ హీరోగా దర్శకుడు శంకర్ రూపొందిస్తున్న భారీ పాన్ ఇండియా మూవీ గేమ్ ఛేంజర్ టీజర్ ఈ రోజు రిలీజైంది. టీజర్ లో విద్యార్థిగా, ఊరి పెద్దగా రామ్ చరణ్ రెండు విభిన్న పాత్రల్లో కనిపించారు. రామ్ చాలా మంచి వాడు, కానీ కోపం వస్తే వాడంత చెడ్డవాడు లేడంటూ రామ్ చరణ్ క్యారెక్టర్ ఎలా ఉండబోతుందో చూపిస్తోంది.
పొలిటికల్ డ్రామాగా తెరకెక్కుతున్న గేమ్ ఛేంజర్ లో స్టూడెంట్స్ రాజకీయాలు, ఊరిలో రైతులతో నాయకులు ఆడే స్వార్థ రాజకీయాలను ఆసక్తికరంగా తెరకెక్కించినట్లు తెలుస్తోంది. టీజర్ చివరలో ఐ యామ్ అన్ ప్రెడిక్టబుల్ అని చరణ్ చెప్పిన డైలాగ్ ఈ సినిమా కథను రిఫ్లెక్ట్ చేస్తోంది. శంకర్ సినిమాల్లోని భారీతనం గేమ్ ఛేంజర్ టీజర్ లో స్పష్టంగా కనిపిస్తోంది. వచ్చే సంక్రాంతికి జనవరి 10న గేమ్ ఛేంజర్ థియేటర్స్ లోకి రాబోతోంది. శ్రీ వెంకటేశ్వర క్రియేషన్స్ లో ప్రొడ్యూసర్ దిల్ రాజు ప్రతిష్టాత్మకంగా ఈ సినిమాను నిర్మించారు.
