బలగం తర్వాత మరిన్ని స్మాల్ బడ్జెట్ మూవీస్ నిర్మిస్తోంది దిల్ రాజు ప్రొడక్షన్స్. ఈ సంస్థలో వస్తున్న కొత్త సినిమా ఆకాశం దాటి వస్తావా. కొరియోగ్రాఫర్ యష్ ఈ సినిమాతో హీరోగా పరిచయం అవుతున్నారు. కార్తీక హీరోయిన్ గా నటిస్తోంది. కొత్త దర్శకుడు శశికుమార్ ఈ చిత్రాన్ని రూపొందిస్తున్నారు. ఆకాశం దాటి వస్తావాా టీజర్ ఇవాళ విడుదలైంది. టీజర్ ఎలా ఉందో రివ్యూలో చూద్దాం
టీజర్ చూస్తే ఇదొక ఫీల్ గుడ్ లవ్ స్టోరీగా కనిపిస్తోంది. హీరో హీరోయిన్ల మధ్య ప్రేమ కథ ఎలా మొదలైందో చూపిస్తూ టీజర్ సాగింది. అడిగితే నాకోసం సముద్రాలు దాటి, ఆకాశం దాటి వస్తావా అని హీరోయిన్ అంటే…అంత బడ్జెట్ లేదు బస్సులో అయితే వస్తా అంటూ తనది లో బడ్జెట్ అని చెబుతాడు. రోడ్ ట్రావెల్ సీన్స్, బ్యాక్ గ్రౌండ్ మ్యూజిక్ ప్లెజంట్ గా ఉన్నాయి. కొరియోగ్రఫీలో యష్ కున్న టాలెంట్ ను కూడా సినిమాలో ఉపయోగించుకున్నట్లు కనిపిస్తోంది. దిల్ రాజు ప్రొడక్షన్స్ కనుక అదీ బలగం వంటి హిట్ తర్వాత వస్తున్న సినిమా కాబట్టి ఈ సినిమా మీద మంచి హైప్ క్రియేట్ కానుంది.
