ఈ అనంత విశ్వంలో కోట్లాది నక్షత్రాలు ఉన్నాయి. కొందరు శాస్త్రవేత్తల గౌరవం కోసం వారి పేర్లను ఈ నక్షత్రాలకు పెడుతుంటారు. నక్షత్రాలను ఇలా ప్రముఖుల పేర్ల మీద రిజిస్ట్రేషన్ చేసే సంస్థ ఒకటుంది. స్టార్ రిజిస్ట్రేషన్ అనే ఈ సంస్థను అప్రోచ్ అయ్యారు సూపర్ స్టార్ మహేశ్ ఫ్యాన్స్. ఆయన పుట్టినరోజైన ఇవాళ మహేశ్ పేరు మీద ఓ నక్షత్రాన్ని రిజిస్ట్రర్ చేయించారు.
ఆ రిజిస్ట్రేషన్ కాపీ ఇప్పుడు సోషల్ మీడియాలో వైరల్ అవుతోంది. ఈ విశ్వంలో ఆ నక్షత్రం ఎక్కడుందో వివరాలు కూడా ఈ సర్టిఫికెట్ లో వెల్లడించారు. ఇక ఇవాళ మహేశ్ కు మెగాస్టార్ చిరంజీవి, ఎన్టీఆర్, పవన్ కల్యాణ్, రామ్ చరణ్..ఇలా ఇండస్ట్రీలోని ప్రముఖులంతా బర్త్ డే విశెస్ చెబుతున్నారు. సోషల్ మీడియాలో మహేశ్ బర్త్ డే డీపీలు, గుంటూరు కారం సినిమా స్పెషల్ పోస్టర్ సందడి చేస్తున్నాయి. ప్రస్తుతం మహేశ్ ఫ్యామిలీతో యూకే వెకేషన్ లో ఉన్నారు.
