నందమూరి నటసింహం బాలకృష్ణ నటవారసుడు మోక్షజ్ఞ ఎంట్రీ గురించి గత కొంతకాలంగా వార్తలు వస్తూనే ఉన్నాయి కానీ.. ఎప్పుడు ఎంట్రీ అనేది అఫిషియల్ గా అనౌన్స్ చేయలేదు. బాలయ్యను అడిగితే టైమ్ వచ్చినప్పుడే నేనే చెబుతాను అని ఆమధ్య మీడియా సమావేశంలో చెప్పారు. ఆతర్వాత నుంచి ఎలాంటి అప్ డేట్ లేదు. అయితే… సీనియర్ డైరెక్టర్ సింగీతం శ్రీనివాసరావు డైరెక్షన్ లో ఆదిత్య 369 సీక్వెల్ ఆదిత్య 999 లో మోక్షజ్ఞ ఎంట్రీ ఉంటుందని టాక్ వినిపించింది. ఆ తర్వాత ఈ సినిమాను సింగీతం కాదు.. బాలయ్యే డైరెక్షన్ చేయనున్నారని వార్తలు వచ్చాయి.
ఇప్పటి వరకు ఎలాంటి అప్ డేట్ లేకపోవడంతో అసలు ఈ ప్రాజెక్ట్ ఉందా లేదా అనేది సస్పెన్స్ గా మారింది. అయితే.. మోక్షజ్ఞ లుక్ ఆమధ్య బయటకు రావడం… ఈ ఫోటోల్లో బాగా లావుగా ఉండడంతో ఆయనకు సినిమాల్లో నటించాలనే ఇంట్రస్ట్ లేదని.. అందుకనే అలా లావుగా కనిపిస్తున్నాడని వార్తలు వచ్చాయి. దీంతో అభిమానులు కూడా మోక్షజ్ఞ గురించి పట్టించుకోవడం మానేశారు. అయితే.. ఇప్పుడు మోక్షజ్ఞ చాలా స్లిమ్ గా ఉన్న లుక్ బయటకు వచ్చింది. ఈ లుక్ చూసిన తర్వాత హీరోగా ఎంట్రీ ఇచ్చేందుకు రెడీ అనిపిస్తుంది. ఇప్పుడు బాలయ్య తన కుమారుడు తొలి చిత్రానికి దర్శకత్వం వహించే బాధ్యతను ఎవరికి అప్పగించారనేది ఆసక్తిగా మారింది. మరి.. వచ్చే సంవత్సరం మోక్షజ్ఞను పరిచయం చేస్తారేమో చూడాలి.
