రామ్ చరణ్ హీరోగా దర్శకుడు బుచ్చిబాబు రూపొందిస్తున్న మూవీ ఆర్ సీ 16. ఈ క్రేజీ కాంబో మూవీని మైత్రీ మూవీ మేకర్స్, వృద్ధి సినిమాస్, సుకుమార్ రైటింగ్స్ సంయుక్తంగా నిర్మిస్తున్నాయి. జాన్వీ కపూర్ హీరోయిన్ గా నటిస్తుండగా..కన్నడ స్టార్ శివరాజ్ కుమార్ ఓ కీ రోల్ చేస్తున్నారు. ఆర్ సీ 16 సినిమా ప్రస్తుతం మైసూర్ లో షూటింగ్ జరుపుకుంటోంది. ఈ సినిమా కోసం టీమ్ రాత్రీ పగలు కష్టపడుతున్నారు. ఇక ఆర్ సీ 16 మూవీని దసరాకు రిలీజ్ కు తీసుకొచ్చేందుకు మేకర్స్ ప్రయత్నిస్తున్నారు.
మరోవైపు ఈ సినిమాకు రెహమాన్ మ్యూజిక్ మరో ఆకర్షణ కానుంది. సినిమా షూటింగ్ స్టార్ట్ కాకముందే… రెహమాన్ 3 పాట‌ల‌కు ట్యూన్లు ఇచ్చేశారు. మరో రెండు పాట‌లు మాత్ర‌మే బ్యాలెన్స్ ఉన్నాయి. ఇలా స్ట్రాంగ్ ప్రీ ప్రొడక్షన్ తో డైరెక్టర్ బుచ్చిబాబు ఆర్ సీ 16 సినిమాను విజయదశమికి రిలీజ్ చేయాలని ప్లాన్ లో ఉన్నట్లు తెలుస్తోంది. గేమ్ ఛేంజర్ తో సక్సెస్ కాలేకపోయిన చరణ్ ఆర్ సీ 16 మీద హోప్స్ పెట్టుకున్నాడు.
