హీరోయిన్స్ ను ఎంకరేజ్ చేయడంలో ముందుంటారు రవితేజ. అప్పుడెప్పుడో దీక్షా సేత్ నుంచి నిన్నమొన్నటి రాశీ ఖన్నా దాకా…తన సినిమాల్లో అవకాశాలిస్తూ హీరోయిన్స్ కు లిఫ్ట్ ఇస్తుంటారీ స్టార్ హీరో. మిరపకాయ్ సినిమా ఫ్లాప్ అయినా…నిప్పు సినిమాలో దీక్షా సేథ్ ను రిఫర్ చేశారు. ఆ మధ్య తన ప్రతి సినిమాకు డిస్కషన్స్ లో హీరోయిన్ ఎవరంటే..రాశీ ఖన్నా పేరే చెప్పేవాడట రవితేజ. ఇలా ఇప్పుడు మరో హీరోయిన్ కు ఛాన్స్ ఇస్తున్నాడు. ఆ హీరోయినే దివ్యాంశ కౌశిక్.
మజిలీ సినిమాతో టాలీవుడ్ కు వచ్చిన దివ్యాంశ..రవితేజతో రామారావ్ ఆన్ డ్యూటీ సినిమాలో నటించింది. ఈ సినిమా బాక్సాఫీస్ దగ్గర బోల్తా కొట్టింది. అయితే ఈ హీరోయిన్ కు మరో ఛాన్స్ ఇవ్వబోతున్నాడు రవితేజ. దర్శకుడు గోపీచంద్ మలినేని మైత్రీ మూవీస్ సంస్థలో నిర్మిస్తున్న సినిమాలో సెకండ్ హీరోయిన్ గా దివ్యాంశను తీసుకుంటున్నారట.
రవితేజకు మరొక మెయిన్ హీరోయిన్ ఉండగా..సెకండ్ లీడ్ కోసం దివ్యాంశ కౌశిక్ ను ఎంపిక చేశారని టాక్ వినిపిస్తోంది. త్వరలో ఈ సినిమా సెట్స్ మీదకు వెళ్లనుంది. ప్రస్తుతం రవితేజ నటించిన టైగర్ నాగేశ్వరరావు రిలీజ్ కు రెడీ అవుతుండగా..ఈగిల్ అనే మరో సినిమా పోస్ట్ ప్రొడక్షన్ కార్యక్రమాలు జరుపుకుంటోంది.
