రవితేజ హీరోగా నటిస్తున్న కొత్త సినిమా ఈగిల్ రిలీజ్ డేట్ అనౌన్స్ చేశారు. సంక్రాంతి పండుగ సందర్భంగా జనవరి 13న ఈ సినిమా విడుదల కానుంది. ఇవాళ మేకర్స్ సినిమా రిలీజ్ డేట్ వెల్లడించారు. మొండోడు పండుగ తీసుకుని పదమూడున వస్తున్నాడంటూ రిలీజ్ డేట్ అనౌన్స్ మెంట్ సందర్భంగా సోషల్ మీడియా పోస్టుల్లో క్యాప్షన్ రాశారు.
పీపుల్ మీడియా ఫ్యాక్టరీ బ్యానర్ లో ఈ సినిమాను నిర్మించారు. యాక్షన్ డ్రామా కథతో దర్శకుడు కార్తీక్ ఘట్టమనేని రూపొందిందించారు. ఈగిల్ నుంచి ఇప్పటిదాకా రిలీజ్ చేసిన కంటెంట్ ఇంట్రెస్టింగ్ గా ఉండటంతో ఈ సినిమా మీద ఎక్స్ పెక్టేషన్స్ ఏర్పడుతున్నాయి. ఈగిల్ లో రవితేజ సరసన అనుపమ పరమేశ్వరన్, కావ్య థాపర్ హీరోయిన్స్ గా నటిస్తున్నారు. సంక్రాంతికి ఈగిల్ రిలీజ్ కన్ఫర్మ్ కావడంతో బాక్సాఫీస్ దగ్గర పోటీ మరింత ఆసక్తికరంగా మారింది.
