రణ్ బీర్ కపూర్ రాముడిగా, సాయి పల్లవి సీతగా నటిస్తున్న రామాయణ సినిమా రిలీజ్ డేట్ కన్ఫర్మ్ అయ్యింది. ఈ చిత్రాన్ని 2026 దీపావళికి రిలీజ్ చేస్తున్నట్లు మేకర్స్ ప్రకటించారు. ఈ సినిమాకు రూపొందించే సీక్వెల్ ను 2027 దీపావళికి విడుదల చేయబోతున్నారు. ఈ రోజు మేకర్స్ నుంచి అఫీషియల్ అనౌన్స్ మెంట్ వచ్చింది.
నితేష్ తివారీ ఈ చిత్రాన్ని భారీ నిర్మాణ హంగులతో రూపొందిస్తున్నారు. బాలీవుడ్ ప్రొడ్యూసర్స్ తో కలిసి అల్లు అరవింద్ ప్రొడక్షన్ లో భాగమయ్యారు. రామాయణం ఆధారంగా తెరకెక్కుతున్న మరో భారీ చిత్రంగా రామాయణ ప్రేక్షకుల ముందుకు రానుంది. ఈ సినిమా రిలీజ్ డేట్ అనౌన్స్ మెంట్ తో సినిమా రిలీజ్ పై ఇప్పటిదాకా ఉన్న రూమర్స్ కు చెక్ పెట్టినట్లయింది.
