కమల్ హాసన్ నటించిన విక్రమ్ సినిమా వసూళ్లను దాటేస్తూ కోలీవుడ్ బాక్సాఫీస్ వద్ద కొత్త రికార్డులు సృష్టిస్తోంది రజనీకాంత్ జైలర్ సినిమా. ఈ నెల 10వ తేదీన విడుదలైన జైలర్ తొలి రోజే సూపర్ హిట్ టాక్ తెచ్చుకుంది. ఇక అక్కడి నుంచి వసూళ్ల వేట మొదలుపెట్టింది. తొలి ఆరు రోజుల్లోనే 416 కోట్ల రూపాయలు కలెక్షన్స్ రాబట్టింది. ఇది కమల్ హాసన్ విక్రమ్ సినిమా కంప్టీల్ రన్ వసూళ్ల మొత్తం కావడం విశేషం.
ఫస్ట్ వీక్ కంప్లీట్ అయ్యేందుకు వస్తున్న జైలర్ సినిమా వసూళ్ల జోరు తగ్గడం లేదు. దీంతో నెక్ట్ పొన్నియన్ సెల్వన్ బాక్సాఫీస్ రికార్డులపై కూడా జైలర్ కన్నేసింది. విక్రమ్ తర్వాత హయ్యెస్ట్ కలెక్షన్స్ పొన్నియన్ సెల్వన్ 1 పేరిట ఉన్నాయి. మరో వారం జైలర్ కలెక్షన్స్ ఇలాగే కొనసాగితే పొన్నియన్ రికార్డులు కూడా మర్చిపోవాల్సిందే.
ఇక తెలుగులోనూ జైలర్ సినిమా సూపర్బ్ వసూళ్లు సాధిస్తోంది. రెండో రోజే ఈ సినిమాకు పెట్టిన పెట్టుబడి బయ్యర్లకు తిరిగి రావడం ( బ్రేక్ ఈవెన్) విశేషం. జైలర్ హిట్ కావడంతో ఇక్కడి స్ట్రైట్ సినిమా భోళా శంకర్ వసూళ్లు కూడా ఎఫెక్ట్ అయ్యాయి. చాలా కాలం తర్వాత రజనీకాంత్ కు ఇలాంటి సూపర్ హిట్ సినిమా దక్కింది.
