యంగ్ టాలెంటెడ్ హీరో నవీన్ పోలిశెట్టి, బ్యూటిఫుల్ హీరోయిన్ అనుష్క జంటగా నటించిన మిస్ శెట్టి మిస్టర్ పోలిశెట్టి సినిమా ట్రైలర్ రీసెంట్ గా రిలీజైంది. ఈ సినిమా ట్రైలర్ కు టాలీవుడ్ సెలబ్రిటీస్ నుంచి అప్రిషియేషన్స్ వస్తున్నాయి. నిన్న ప్రభాస్ ట్రైలర్ గురించి స్పందిస్తూ..సూపర్బ్ గా ఉందని ఇన్ స్టాలో పోస్ట్ చేశారు. ఇవాళ దర్శకధీరుడు రాజమౌళి మిస్ శెట్టి మిస్టర్ పోలిశెట్టి ట్రైలర్ కు తన స్పందన తెలియజేశారు.
రాజమౌళి ట్వీట్ లో – మిస్ శెట్టి మిస్టర్ పోలిశెట్టి ట్రైలర్ హిలేరియస్ ఎంటర్ టైన్ మెంట్ తో సాగింది. స్వీటీ, నవీన్ ఇద్దరూ ఫెంటాస్టిక్ టైమింగ్ తో నటించారు. సెప్టెంబర్ 7వ తేదీన సినిమా రిలీజ్ అవుతున్న సందర్భంగా మూవీ టీమ్ అందరికీ బెస్ట్ విశెస్ చెబుతున్నా. అని పేర్కొన్నారు.
యూవీ క్రియేషన్స్ బ్యానర్ లో దర్శకుడు పి.మహేశ్ బాబు ఈ చిత్రాన్ని రూపొందించారు. కృష్ణాష్టమి సందర్భంగా సెప్టెంబర్ 7వ తేదీ మిస్ శెట్టి మిస్టర్ పోలిశెట్టి సినిమా పాన్ ఇండియా స్థాయిలో రిలీజ్ కాబోతోంది. ట్రైలర్ రిలీజ్ తర్వాత ఈ సినిమా మీద మరింత పాజిటివ్ బజ్ పెరుగుతోంది.
