పాన్ ఇండియా ట్రెండ్ ఊపందుకునేలా చేసిన బ్లాక్ బస్టర్ మూవీ పుష్ప. అల్లు అర్జున్ హీరోగా దర్శకుడు సుకుమార్ రూపొందించిన ఈ సినిమా తెలుగుతో పాటు బాలీవుడ్ లోనూ సూపర్ హిట్టయ్యింది. ఎవరూ ఊహించని విధంగా హిందీలో 100 కోట్ల రూపాయలకు పైగా వసూళ్లు సాధించింది. పుష్ప పాన్ ఇండియా సక్సెస్ తో పార్ట్ టు పుష్ప 2పై భారీ అంచనాలు నెలకొన్నాయి. అయితే ఈ అంచనాలకు తగినంత స్పీడ్ గా సినిమా షూటింగ్ చేస్తున్నట్లు కనిపించడం లేదు.
ఈ ఏడాది పుష్ప రిలీజ్ ఉంటుందని ముందుగా అనుకున్నారు. అయితే ఈ సినిమా మేకింగ్ స్పీడ్ చూశాక నెక్ట్ ఇయర్ కే పుష్ప 2 తెరపైకి వస్తుందని ఫిక్సయ్యారు. ఇప్పటిదాకా 40 శాతం మాత్రమే షూటింగ్ జరిపారట. మిగతా షూటింగ్, పోస్ట్ ప్రొడక్షన్ కు ఎంత టైమ్ పడుతుందో ఊహించుకోవచ్చు. దీన్ని బట్టి చూస్తే వచ్చే సమ్మర్ కు పుష్ప 2 ఏ ఆటంకాలు లేకుండా సజావుగా రిలీజైతే చాలు అనే అభిప్రాయాలు వెల్లడవుతున్నాయి.
దీంతో పాటు పుష్ప 2 ఎండింగ్ లో పుష్ప 3కి హింట్ ఇస్తారనే టాక్ వినిపిస్తోంది. ఒక లైన్ గా ఈ కథ కూడా సుకుమార్ మదిలో ఉండే ఉంటుంది. పుష్ప రిలీజ్ టైమ్ కు ఈ సినిమా సక్సెస్ మీద పెద్దగా అంచనాలు లేవు. కానీ పుష్ప 2 పై హై ఎక్స్ పెక్టేషన్స్ ఉన్నాయి. దీనికి తగినట్లు పుష్ప 2 టీమ్ షూటింగ్ స్పీడప్ చేయాల్సి ఉంది.
