ఐకాన్ స్టార్ అల్లు అర్జున్ హీరోగా క్రియేటీవ్ డైరెక్టర్ సుకుమార్ తెరకెక్కిస్తున్న పాన్ ఇండియా మూవీ పుష్ప 2. ఈ సినిమా ఎప్పుడెప్పుడు వస్తుందా అని అభిమానులు ఎంతో ఆతృతగా ఎదురు చూస్తున్నారు. ఇటీవల రిలీజ్ చేసిన గ్లింప్స్ కు ట్రెమండస్ రెస్పాన్స్ వచ్చింది. చాలా తక్కువ టైమ్ లోనే 100 మిలియన్స్ కు పైగా వ్యూస్ రావడం విశేషం. అయితే.. ఈ సినిమా గురించి ఎలాంటి అప్ డేట్ లేదు. మరో వైపు ఈ సినిమా ఇప్పటి వరకు 30 శాతం మాత్రమే షూటింగ్ పూర్తయ్యిందని వార్తలు వస్తున్నాయి. దీంతో బన్నీ ఫ్యాన్స్ పుష్ప 2 టీమ్ పై ఫైర్ అవుతున్నారు.
WakeUpTeamPushpa అనే హ్యాష్టాగ్ తో సోషల్ మీడియాని హోరెత్తించారు. నిర్మాణ సంస్థ మైత్రి మూవీ మేకర్స్ తమ షూటింగ్ అప్ డేట్స్ కూడా చెప్పడం లేదు అని వాళ్లు ఆరోపిస్తున్నారు. మిగతా సినిమాల షూటింగ్ లు స్పీడ్ గా జరుగుతుంటే.. పుష్ప 2 టీం సైలెంట్ గా ఉందనేది వాళ్ళ కోపం. ఈ చిత్రాన్ని డిసెంబర్ లో రిలీజ్ చేయాలి అనుకున్నారు. ఆతర్వాత సంక్రాంతికి విడుదల అన్నారు. ఇప్పుడు సమ్మర్ కి రిలీజ్ అని టాక్ వినిపిస్తుంది కానీ.. ఇప్పుడు సమ్మర్ లో కూడా వచ్చే ఛాన్స్ లేదని జోరుగా ప్రచారం జరుగుతుంది. దసరాకి మూడు సినిమాలు వస్తున్నాయి. అందుచేత పుష్ప 2 ఎప్పుడు వచ్చేది అనేది సస్పెన్స్ గా మారింది. మరి. ఫ్యాన్స్ ఫైర్ అవుతున్న నేపథ్యంలో మేకర్స్ క్లారిటీ ఇస్తారేమో చూడాలి.
