రెబెల్ ఫ్యాన్స్ కోసం దీపావళి బ్లాస్ట్ లాంటి న్యూస్ వచ్చేసింది. రెబెల్ స్టార్ ప్రభాస్ కొత్త సినిమా స్పిరిట్ అప్డేట్ ఇచ్చారు మేకర్స్. ఈ సినిమా మ్యూజిక్ సిట్టింగ్స్ ప్రారంభమైనట్లు సోషల్ మీడియా ద్వారా వెల్లడించారు.హర్షవర్థన్ రామేశ్వర్ మ్యూజిక్ ఇస్తున్నారు. ఈ చిత్రాన్ని దర్శకుడు సందీప్ వంగా రూపొందిస్తుండటంతో ప్రభాస్ క్రేజ్ కు తోడు మరింత హైప్ క్రియేట్ అవుతోంది.
టీ సిరీస్ సంస్థ నిర్మిస్తున్న ఈ చిత్రంలో ప్రభాస్ పవర్ ఫుల్ పోలీస్ ఆఫీసర్ గా కనిపించబోతున్నారు. పోలీస్ క్యారెక్టర్ లో ప్రభాస్ ను సందీప్ వంగా సరికొత్తగా చూపించబోతున్నాడు. కంప్లీట్ యాక్షన్‌ ఎంటర్‌టైనర్‌గా స్పిరిట్ సినిమా తెరకెక్కనుంది. పలువురు బాలీవుడ్ స్టార్స్ ఈ చిత్రంలో నటించబోతున్నారు. భారీ పాన్ ఇండియా మూవీగా స్పిరిట్ రూపొందనుంది.
